వరుస హిట్ సినిమాలతో టాలీవుడ్‌ని షేక్ చేస్తున్న హీరో నాని. తాజాగా నాని నటించిన సినిమా నిన్ను కోరి బాక్సాఫీసు వద్ద మంచి వసూళ్లను రాబడుతోంది. విడుదలైన రెండు రోజుల్లో రూ. 20 కోట్ల మార్క్‌ను దాటి ప్రేక్షకులకు సరికొత్త ఎంటైర్‌ టైన్‌మెంట్‌ని అందిస్తోంది. జూలై 7న ప్రపంచవ్యాప్తంగా విడుదలైన ఈ సినిమా మొదటి రోజున రూ.10.6 కోట్ల గ్రాస్‌ కలెక్షన్లు సాధించింది. రెండో శనివారం రూ. 9.60 కోట్లు గ్రాస్‌ వసూళ్లు సొంతం చేసుకుంది.
సినిమాలో నాని నటనకు సాదరణ ప్రేక్షకుడి నుంచి విఐపీల వరకు ఫిదా అయిపోయారు. తాజాగా మంత్రి కేటీఆర్ నానిపై ప్రశంసల వర్షం కురిపించారు. ఓ వైపు ప్రజాసమస్యలతో రాజకీయాల్లో బిజీగా ఉండే కేటీఆర్ …. సినీ పరిశ్రమ అభివృద్ధికి తనవంతు కృషిచేస్తూనే ఉన్నారు. గతంలో రానా,సూర్య,పవన్ కాటమరాయుడు సినిమాలు చూసిన కేటీఆర్ తాజాగా నాని నటించిన నిన్ను కోరి సినిమా చూశారు. ఈ సందర్భంగా నానిపై ప్రశంసలు గుప్పించారు.
ఈ తరం ఉత్తమ నటుల్లో నాని ఒకరు. అతడి బ్రిలియంట్ పర్‌ఫార్మెన్స్ ఆకట్టుకుంది” అని కేటీఆర్ చేసిన ట్వీట్ నానికి వున్న ఫ్యాన్ ఫాలోయింగ్‌ని మరో స్థాయికి తీసుకెళ్లిందనడంలో ఆశ్చర్యం లేదు. అయితే, కేటీఆర్ ప్రశంసలపై స్పందించిన నాని.. మంత్రికి కృతజ్ఞతలు తెలిపారు.
నాని నటించిన నిన్ను కోరి మూవీ ఓ వైపు థియేటర్లలో పాజిటివ్ టాక్‌తో దూసుకుపోతుంటే…మరోవైపు మంత్రి కేటీఆర్ చేసిన ఓ ట్వీట్ నాని పాత చిత్రాలని సైతం అలా కళ్లముందు కదలాడేలా చేసింది. డివివి దానయ్య నిర్మించిన ఈ చిత్రానికి శివ నిర్వాణ దర్శకత్వం వహించారు. ఆది పినిశెట్టి, నివేదా థామస్, మురళీ శర్మ ప్రధానపాత్రల్లో నటించారు.
One of the best actors of this generation has to be @NameisNani
Enjoyed watching a couple of his movies this weekend. Brilliant performer 👍— KTR (@KTRTRS) July 9, 2017
