కేంద్రమంత్రి రాజ్‌నాథ్‌తో కేటీఆర్ భేటీ..

మంత్రి కేటీఆర్ ఢిల్లీలో పర్యటిస్తున్నారు. తన పర్యటనలో భాగంగా కేంద్ర రక్షణశాఖ మంత్రి రాజ్ నాథ్ సింగ్ ను కలిశారు. రాష్ట్రంలో రక్షణశాఖ భూముల అప్పగింతపై వినతిపత్రం అందజేసినట్లు సమాచారం.

మధ్యాహ్నం అన్ని రాష్ట్రాల ఐటీ మంత్రుల సమావేశంలో కేటీఆర్ పాల్గొననున్నారు. సాయంత్రం 5.30గంటలకు గృహ, పట్టణ వ్యవహారాల శాఖ మంత్రి హర్దీప్ సింగ్ పూరితో భేటీ కానున్నారు. రాత్రి 7.30 గంటలకు రైల్వే శాఖ మంత్రి పీయూష్ గోయెల్ తో భేటీ కానున్నారు కేటీఆర్.