కేసీఆర్ పోరుబాటతో కార్యకర్తల్లో జోష్ నెలకొందన్నారు బీఆర్ఎస్ వర్కింగ్ ప్రెసిడెంట్ కేటీఆర్. రాజ‌న్న సిరిసిల్ల జిల్లాలో మీడియాతో మాట్లాడిన కేటీఆర్…కేసీఆర్ బ‌స్సు యాత్ర‌తో ఆదిలాబాద్ నుంచి అలంపూర్ దాకా గులాబీ సైన్యంలో గుండెల నిండా ఆత్మ‌విశ్వాసం క‌న‌బ‌డుతోంది కేటీఆర్ స్ప‌ష్టం చేశారు.
కాంగ్రెస్ ప్ర‌భుత్వం దాడుల‌ను, కేసుల‌ను, కుట్ర‌ల‌ను, కుతంత్రాల‌ను, స్వార్థ‌ప‌రుల రాజ‌కీయ ఎత్తుగ‌డల‌ను తిప్పికొట్టారన్నారు. మొక్క‌వోని ధైర్యంతో ముందుకు పోయాం… పార్ల‌మెంట్ ఎన్నిక‌ల సంద‌ర్భంగా చేప‌ట్టిన కేసీఆర్ బ‌స్సు యాత్ర రాష్ట్ర రాజ‌కీయాల‌ను ఒక మ‌లుపు తిప్పిందన్నారు.
ఏ జిల్లాకు పోయినా, నియోజ‌క‌వ‌ర్గం, ప‌ట్ట‌ణం పోయినా కేసీఆర్‌కు బ్ర‌హ్మ‌ర‌థం ప‌ట్టారన్నారు. ఆదిలాబాద్ నుంచి అలంపూర్ దాకా గులాబీ సైన్యంలో గుండెల నిండా ఆత్మ‌విశ్వాసం క‌న‌బ‌డుతోందన్నారు. ప్ర‌భుత్వం కేసులు పెట్టే ప్ర‌య‌త్నం చేసినా చురుకుగా ప‌ని చేసి బీఆర్ఎస్ పార్టీ గెల‌వాల్సిన అవ‌శ్య‌క‌త‌ను వివ‌రించారన్నారు.
Also Read:నేటి ముఖ్యమైన వార్తలివే..
