ప్రస్తుతం సైరా మూవీ షూటింగ్‌లో బిజీగా ఉన్న మెగాస్టార్ చిరంజీవి తన నెక్ట్స్ ప్రాజెక్టులపై దృష్టిసారించాడు. డివివి దానయ్య నిర్మాతగా త్రివిక్రమ్ దర్శకత్వంలో సినిమాకు కమిట్ అయినట్లు మెగాస్టార్ స్వయంగా వెల్లడించిన సంగతి తెలిసిందే. దీంతో పాటు కొరటాల శివ దర్శకత్వంలో తెరకెక్కనున్న సినిమాకు చిరు గ్రీన్ సిగ్నల్ ఇచ్చారు.
సైరా మూవీ ఫిబ్ర‌వరిలో పూర్తికానుండగా ఆ వెంట‌నే కొరటాల టీంతో జాయిన్ కానున్నాడు చిరంజీవి. వేసవిలో ఈ సినిమా ప్రారంభంకానుందట. మంచి సందేశం ఉన్న సినిమాని తెలుగు ప్రేక్ష‌కుల‌కి అందించ‌నున్నాడట కొరటాల .కొరటాల- చిరు సినిమాకి కూడా రామ్ చ‌ర‌ణ్ నిర్మాత అని అంటున్నారు. మైత్రి మూవీ మేక‌ర్స్‌తో క‌లిసి చ‌ర‌ణ్ ఈ చిత్రాన్ని రూపొందించ‌నున్నాడ‌ని స‌మాచారం.
ఈ సినిమాలో చిరంజీవి రైతుగాను .. బిలియనీర్ గాను ద్విపాత్రాభినయం చేయనున్నాడని టాక్. ఇప్పటివరకు కొరటాల శివ తీసిన సినిమాలు భారీ విజ‌యాలు సాధించ‌డంతో ఈసినిమాపై కూడా పెద్ద ఎత్తున ఆశ‌లు పెట్టుకున్నారు మెగా అభిమానులు.
