తెలంగాణ మంత్రి కోమటిరెడ్డి వెంకట్రెడ్డి విజయవాడలోని ప్రసిద్ధి చెందిన కనకదుర్గమ్మ అమ్మవారిని దర్శించుకున్నారు. ఇంద్రకీలాద్రిపై వెలసిన శ్రీ కనకదుర్గమ్మకు ప్రత్యేక పూజలు నిర్వహించి ఆశీస్సులు పొందారు.
ఈ సందర్భంగా ఆలయ అర్చకులు మంత్రి కోమటిరెడ్డికి తీర్థప్రసాదాలు అందించి ఆశీర్వదించారు. అనంతరం ఆలయ అధికారులు, పాలక మండలి సభ్యులు అమ్మవారి జ్ఞాపిక, శాలువాతో ఆయనను సత్కరించారు. దర్శనం అనంతరం మీడియాతో మాట్లాడిన మంత్రి, తెలుగు రాష్ట్రాల ప్రజలు సుఖసంతోషాలతో, సుభిక్షంగా ఉండాలని అమ్మవారిని ప్రార్థించినట్లు తెలిపారు.
రాష్ట్ర అభివృద్ధి, ప్రజల సంక్షేమం కోసం దేవీ ఆశీస్సులు అవసరమని ఆయన పేర్కొన్నారు. రెండు రాష్ట్రాల మధ్య సౌహార్దం, శాంతి నెలకొనాలని కోరుకున్నట్లు వెల్లడించారు. భక్తుల రద్దీ మధ్య ప్రశాంతంగా జరిగిన ఈ దర్శన కార్యక్రమం ప్రత్యేక ఆకర్షణగా నిలిచింది.
Also Read:Ind Vs Wi:మ్యాచ్ వర్షం కారణంగా రద్దయితే?