ఆనంద్ దేవ‌ర‌కొండ, వైష్ణ‌వి చైత‌న్య, విరాజ్ అశ్విన్ ప్రధాన పాత్ర‌ల్లో వ‌చ్చిన సినిమా బేబీ. రీసెంట్‌గా రిలీజై మంచి విజ‌యాన్ని అందుకున్న ఈ సినిమా ఆనంద్ దేవ‌ర‌కొండ కంటే ముందు మ‌రో ముగ్గురు హీరోల ద‌గ్గ‌ర‌కు వెళ్లింద‌ని, ఆ ముగ్గురు హీరోలు బేబీ క‌థ‌ని రిజెక్ట్ చేశార‌ని డైరెక్ట‌ర్ సాయి రాజేష్ రీసెంట్‌గా ఓ ఇంట‌ర్వ్యూలో చెప్పుకొచ్చాడు. ఆ హీరోలు ఎవరో తెలుసా ?, కిరణ్ అబ్బవరం, అలాగే అల్లు శిరీష్, చివరగా నవీన్ పోలిశెట్టి బేబీ కథను పక్కన పెట్టారట.
దర్శకుడు సాయి రాజేష్ మొదట నవీన్ పోలిశెట్టిని తీసుకోవాలని చాలా ప్రయత్నాలు చేశాడు. కానీ ఎందుకో నవీన్ పోలిశెట్టి బేబీ పై ఆసక్తి చూపించలేదు. అనంతరం ఆనంద్ దేవ‌ర‌కొండ‌కి ఈ కథ చెప్పారు. ఆనంద్ దేవ‌ర‌కొండ కూడా మొదట ఒప్పుకోకపోయినా, ఆ తర్వాత విజయ్ దేవ‌ర‌కొండ‌కి చెప్పి మొత్తానికి ఆనంద్ దేవ‌ర‌కొండ‌ను ఈ సినిమాలోకి తీసుకొచ్చారు. మొత్తానికి ఆనంద్ కి మంచి హిట్ పడింది. ఈ సినిమాను ఛాలెంజింగ్‌గా తీసుకుని ఆనంద్ దేవ‌ర‌కొండ చేసిన‌ట్లు దర్శకుడు సాయి రాజేష్ తెలిపారు.
Also Read:కిషన్ రెడ్డి.. కమలంలో మార్పు తెస్తారా?
ఇక బేబీ సినిమా బాక్స్ ఆఫీస్ వద్ద కలెక్షన్ల వర్షం కురిపిస్తోంది. ఈనెల 14న విడుదలైన ఈ మూవీ ఇప్పటివరకు 6 రోజుల్లో రూ.43.8 కోట్లు రాబట్టినట్లు నిర్మాత తెలిపారు. సాయి రాజేష్ దర్శకత్వం వహించిన ఈ చిత్రం త్వరలోనే రూ.50 కోట్ల గ్రాస్‌ మార్క్‌ చేరుకోవడం ఖాయమని ట్రేడ్ పండితులు చెబుతున్నారు. ఈ విషయాన్ని మూవీ మేకర్స్ నమ్మకంగా చెబుతున్నారు. ఈ సినిమాకు ఎస్కేఎన్ నిర్మాతగా వ్యవహరించారు.
Also Read:బాక్సింగ్‌ రింగ్‌లో మృణాల్..పంచ్‌ కొడితే!
