కేరాఫ్ కంచరపాలెం సినిమాతో దర్శకుడిగా పరిచయమై మొదటి సినిమాతో మంచి గుర్తింపు తెచ్చుకున్న వెంకటేష్ మహా , ఇంద్రగంటి , వివేక్ ఆత్రేయ , నందిని రెడ్డి , శివ నిర్వాణతో కలిసి తాజాగా ఓ రౌండ్ టేబుల్ ఇంటర్వ్యూలో పాల్గొన్నాడు. ఈ ఇంటర్వ్యూలో కేజీఫ్ 2 పై కామెంట్స్ చేసి రాకీ పాత్ర గురించి మాట్లాడాడు దర్శకుడు.
కెజిఎఫ్ లో రాఖీ భాయ్ క్యారెక్టరైజేషన్ గురించి తీవ్రమైన వ్యాఖ్యలు చేశాడు. తల్లి చెప్పిందని వేల టన్నుల బంగారం కొల్లగొట్టి హీరో చివరికి తనను నమ్ముకున్న వాళ్ళకి ఇందిరమ్మ పధకంలా ఇల్లులు ఇచ్చాడు తప్పించి ఆ నీచ్ కమీన్ కుత్తే ఇంకేం చేశాడని ఓవర్ ఎగ్జైట్ మెంట్ తో మాట్లాడాడు. అంటే వెంకటేశ మహా ఇక్కడ తిట్టింది రాఖీ కేరెక్టర్ నే కావొచ్చు. కానీ ఇన్ డైరెక్ట్ గా ఆ సినిమా దర్శకుడిని టార్గెట్ చేసి ప్రశాంత్ నీల్ ని అన్నట్లే అయ్యింది. అంతే కాదు పన్నెండు వందల కోట్ల కలెక్షన్స్ ఇచ్చిన ప్రేక్షకుల తీర్పుని కూడా మహా విమర్శించినట్టయింది. అందరికీ నచ్చిందని మనకూ నచ్చాలని రూల్ లేదు నిజమే. కానీ ఈ ఇంటర్వ్యూ ఒక ఫిల్మ్ మేకర్ అయి ఉంది బిగ్గెస్ట్ హిట్ సినిమాను అందులో పాత్రను ఉద్దేశించి సినిమా పేరు చెప్పకుండా కామెంట్ చేశాడు మహా.
దీంతో సోషల్ మీడియాలో ట్రోలింగ్ కి దొరికేశాడు వెంకటేష్ మహా. బిగ్గెస్ట్ హిట్టయిన కమర్షియల్ సినిమాను కామెంట్ చేసే అర్హత నీకు లేదంటూ ట్రోల్ చేస్తున్నారు. వెంకటేష్ చెప్పే సమయంలో మిగతా దర్శకులు నవ్వడంతో వారిని కూడా ట్రోలింగ్ చేస్తున్నారు నెటిజన్లు.
ఇవి కూడా చదవండి…
