కన్నడ సూపర్ స్టార్ దర్శన్ దుర్యోధనుడుగా నటించిన కురుక్షేత్రం చిత్రం తాజాగా విడుదలైన సంగతి తెలిసిందే, త్రీడీలో తొలిసారిగా రూపొందిన మహాభారత ఇతిహాసాన్ని చూడటానికి కన్నడ అభిమానులే కాదు తెలుగు ఆడియన్స్ కూడా ఆసక్తి చూపుతున్నారు, ఇక కన్నడనాట ఈ సినిమా తొలి రోజు వసూళ్లు భారీ స్థాయిలో ఉన్నాయి. కన్నడలో ఆల్రెడీ రికార్డు సెట్ చేసిన స్టార్ హీరో యాష్.. కెజిఎఫ్ తొలి రోజు కలెక్షన్స్ ని దర్శన్ కురుక్షేత్రంతో బ్రేక్ చేశాడు. ఈ సినిమాతో తెలుగులో కూడా తన మార్కెట్ ఓపెన్ చేశాడు దర్శన్.
ఈ సినిమా తెలుగు వెర్షన్‌లో 25 నిమిషాలు ట్రిమ్ చేశారు. తెలుగు ఆడియన్స్ కి ఈ విజువల్ వండర్‌ని ఇవ్వడంలో త్రివిక్రమ్ సాయి కీలక పాత్ర పోషించారు. తెలుగులో కురుక్షేత్రం కలెక్షన్స్ ప్రస్తుతం స్టడీగా ఉన్నాయి. కన్నడలో మాత్రం ఈ సినిమా మరిన్ని రికార్డ్స్ బ్రేక్ చేయడం ఖాయం అని ట్రేడ్ ఎక్స్పర్ట్స్ చెబుతున్నారు.
ఈ చిత్రంలో యాక్ష‌న్ కింగ్ అర్జున్ క‌ర్ణుడుగా దర్శన్ దుర్యోధ‌నుడిగా, సోనూసూద్ అర్జునుడిగా, అభిమ‌న్యుడిగా అఖిల్‌గౌడ్‌,కృష్ణుడిగా ర‌విచంద్ర‌న్ న‌టించ‌గా ద్రౌప‌దిగా స్నేహ న‌టించారు. ఈ చిత్రం ఒకేసారి ఐదు భాష‌ల్లో విడుద‌ల‌వ్వ‌డం విశేషం. మెట్ట‌మెద‌టిసారిగా ప్ర‌పంచంలోనే మైతలాజికల్ 3డి వెర్ష‌న్‌గా ఈ చిత్రం తెర‌కెక్కింది.
ఈ చిత్రాని తెలుగు, కన్నడ బాష‌ల్లో ఎన్నో చిత్రాలు నిర్మించి సౌత్ ఇండియా సెన్సేషనల్ ప్రొడ్యూసర్‌గా పేరుగాంచిన రాక్‌లైన్‌ వెంక‌టేష్‌ స‌మ‌ర్ప‌ణ‌లో, వృష‌భాద్రి ప్రొడ‌క్ష‌న్స్ ప‌తాకంపై ఎన్నోచిత్రాలు కన్నడలో నిర్మించిన మునిర‌త్న (ఎంఎల్ఎ) ఈ చిత్రాన్ని నిర్మించమే కాకుండా ఈ చిత్ర క‌థ‌ని అందించారు. నాగ‌న్న ద‌ర్శ‌క‌త్వంలో ఈ చిత్రం రూపొందింది.
