దక్షిణాఫ్రికా విధ్వంసకర బ్యాటర్ హెన్రిచ్ క్లాసెన్ రిటైర్మెంట్ నిర్ణయంపై ఇంగ్లాండ్ మాజీ దిగ్గజం కెవిన్ పీటర్సన్ ఆసక్తికర వ్యాఖ్యలు చేశారు. 2027 వన్డే ప్రపంచకప్ కోసం క్లాసెన్ను మళ్లీ జట్టులోకి తీసుకురావాలని ఆయన దక్షిణాఫ్రికా క్రికెట్ బోర్డుకు సూచించారు.ప్రస్తుతం అద్భుతమైన ఫామ్లో ఉన్న క్లాసెన్ వంటి ఆటగాడు జట్టులో ఉండటం చాలా అవసరమని పీటర్సన్ అభిప్రాయపడ్డారు. దక్షిణాఫ్రికా టీమ్ మేనేజ్మెంట్ అతనితో మాట్లాడి, రిటైర్మెంట్ నిర్ణయాన్ని వెనక్కి తీసుకునేలా ఒప్పించాలని కోరారు.
2027 వన్డే ప్రపంచకప్కు దక్షిణాఫ్రికా ఆతిథ్యం ఇస్తున్న నేపథ్యంలో, సొంత గడ్డపై కప్ గెలవాలంటే క్లాసెన్ లాంటి “మ్యాచ్ విన్నర్” జట్టులో ఉండాలని పీటర్సన్ నొక్కి చెప్పారు.గత కొంతకాలంగా ఐపీఎల్ మరియు ఇతర టీ20 లీగ్లలో క్లాసెన్ ఆడుతున్న తీరు అసాధారణంగా ఉంది. స్పిన్నర్లను ఎదుర్కోవడంలో మరియు డెత్ ఓవర్లలో సిక్సర్ల వర్షం కురిపించడంలో అతను ప్రపంచంలోనే అత్యుత్తమ బ్యాటర్లలో ఒకరిగా గుర్తింపు పొందారు.
హెన్రిచ్ క్లాసెన్ అనూహ్యంగా టెస్ట్ క్రికెట్ మరియు వన్డే ఫార్మాట్ల నుండి రిటైర్మెంట్ ప్రకటించి అందరినీ ఆశ్చర్యపరిచారు. ప్రస్తుతం ఆయన కేవలం టీ20 ఫార్మాట్పైనే దృష్టి సారించారు. అయితే, ఆయన వయస్సు మరియు ప్రస్తుత ఫామ్ను పరిగణనలోకి తీసుకుంటే, మరో రెండు మూడేళ్ల పాటు అంతర్జాతీయ స్థాయిలో రాణించగలరని విశ్లేషకులు భావిస్తున్నారు.
క్లాసెన్ ఒక అరుదైన ప్రతిభావంతుడు. అతను మైదానంలో ఉంటే ప్రత్యర్థి బౌలర్లలో వణుకు పుడుతుంది. 2027 ప్రపంచకప్లో దక్షిణాఫ్రికాకు అతను ఒక పెద్ద ఆస్తి అవుతాడు అని కెవిన్ పీటర్సన్ వెల్లడించారు.
ALso Read:విద్వేషపూరిత ప్రసంగాలపై సుప్రీం!