విభిన్నమైన కథా చిత్రాలతో ప్రేక్షకులను అలరిస్తున్నాడు యంగ్ హీరో నిఖిల్ . గతంలో డైరెక్టర్‌ చందూ మొండేటి దర్శకత్వంలో నిఖిల్ హీరోగా నటించిన కార్తికేయ చిత్రం మంచి విజయాన్ని అందుకుంది. నిఖిల్ కెరిర్‌లో బిగ్గెస్ట్ హిట్‌గా నిలవగా ఇక ఈ సినిమాకు సీక్వెల్ ఆగస్టు 13న ప్రేక్షకుల ముందుకురానుంది.
అయితే కొంతకాలంగా సక్సెస్ రుచి కోసం ఎదురుచూస్తున్న నిఖిల్ ఈ సినిమాపై భారీ ఆశలు పెట్టుకోగా ఇది ఆయనకు అగ్నిపరీక్షే కానుంది. ఎందుకంటే ఈ సినిమాకు పోటీగా బాక్సాఫీస్ దగ్గర మరో సినిమా వస్తుండటం. నితిన్ నటించిన మాచర్ల నియోజకవర్గం రూపంలో నిఖిల్‌కు సవాల్ ఎదురుకానుండటంతో కార్తికేయ 2 ఖచ్చితంగా విజయం సాధించాల్సిన పరిస్థితి నెలకొంది.
ఇక ఈ సినిమా పోస్టర్స్, టీజర్స్, ట్రైలర్స్ ఇప్పటికే కార్తికేయ 2 సినిమాపై మంచి అంచనాలు క్రియేట్ అవ్వడంలో సహాయపడ్డాయి. ఈ సినిమాను మరోసారి మిస్టరీ సస్పెన్స్ కథతో దర్శకుడు చందూ మొండేటి తెరకెక్కిస్తుండగా అనుపమ పరమేశ్వరన్ హీరోయిన్‌గా నటిస్తోంది. మరి బాక్సాఫీస్ వద్ద ఈ సినిమా ప్రేక్షకులను ఏ ఆకట్టుకుంటుందో వేచిచూడాలి..
