బెల్లంకొండ హీరోతో ధ‌నుష్ ‘కర్ణన్’ రీమేక్..

35
Bellamkonda Sai Srinivas

టాలీవుడ్‌ హీరో బెల్లంకొండ శ్రీనివాస్ వరుస సినిమాలతో దూసుకుపోతున్నాడు. ఇటీవల వచ్చిన ‘అల్లుడు అదుర్స్’ సినిమా పెద్దగా ఆకట్టుకోలేకపోయినా, ఆయన డీలాపడిపోలేదు. వినాయక్ దర్శకత్వంలో హిందీలో ‘ఛత్రపతి’ సినిమాను రీమేక్ చేయడానికి అవసరమైన సన్నాహాలు చేసుకుంటున్నాడు. ఇప్పటికే ఈ సినిమా సెట్స్ పైకి వెళ్లాల్సింది. కానీ కరోనా కారణంగా ఆగిపోయింది. పరిస్థితులు అనుకూలించగానే ఈ సినిమా షూటింగు మొదలుకానుంది.

అయితే ఈ హీరో మరో మూవీకి సన్నాహాలు చేసుకుంటున్నాడు. కోలీవుడ్ స్టార్ హీరో ధ‌నుష్ న‌టించిన చిత్రం క‌ర్ణ‌న్‌ మూవీని తెలుగులో రీమేక్ చేయాలని ఈ హీరో చూస్తున్నాడట. అంతేకాదు ఇప్పటికే ఈ హీరో ఆ సినిమా రీమేక్ రైట్స్ ను సొంతం చేసుకున్నాడని టాక్‌. అయితే ‘ఛత్రపతి’ రీమేక్ షూటింగు పూర్తయిన తరువాత ‘కర్ణన్’ రీమేక్ షూటింగ్ మొదలవుతుందట. ఈ సినిమా దర్శకత్వ బాధ్యతలు ఎవరికి అప్పగిస్తారో చూడాలి. దీనికి సంబంధించిన పూర్తి విషయాలు తెలియాల్సివుంది.