ప్రస్తుతం చిత్ర పరిశ్రమలో చిన్న పెద్ద అనే తేడా లేకుండా అన్ని సినిమాలలో ఐటెం సాంగ్ అనేది కామన్‌గా మారిపోయింది. ఐటం సాంగ్ లేకుండా ఏ సినిమా రావడం లేదు. ఈ ఐటం సాంగ్‌లలో అందాలు ఆరబోయడానికి స్టార్‌ హీరోయిన్స్‌ సైతం సై అంటున్నారు. మన టాలీవుడ్ దర్శకులు ఎప్పుడూ మాస్ సినిమాలో మసాలా ఐటెం సాంగ్ ను మిస్ చేయరు. అందుకోసం అప్సరసల్లాంటి భామలకు తక్కువరోజులు షూటింగ్ అయినా సరే లక్షల కొద్దీ డబ్బిచ్చి మరీ తీసుకొస్తారు.
ఇక తెలుగు, త‌మిళ భాష‌ల‌లో టాప్ హీరోయిన్‌గా ఓ వెలుగు వెలుగుతున్న అందాల భామ కాజల్ అగ‌ర్వాల్‌. జ‌న‌తా గ్యారేజ్ చిత్రంలో పక్కా లోకల్ స్పెష‌ల్ సాంగ్‌తో అల‌రించిన విషయం తెలిసిందే. అయితే ఈ అందాల భామ మ‌ళ్ళీ ఐటెం సాంగ్స్‌పై దృష్టి సారించ‌డం లేదు. ఎన్నో ఆఫ‌ర్స్ కాజల్ త‌లుపు త‌ట్టిన ఈ అమ్మడు రిజెక్ట్ చేస్తుంద‌ట. తాజాగా ప్ర‌ముఖ ద‌ర్శ‌కుడు స్పెష‌ల్ సాంగ్ కోసం కాజ‌ల్‌ని సంప్ర‌దించాడ‌ట. అంతేకాదు భారీ మొత్తంలో రెమ్యూనరేషన్ కూడా ఆఫర్ చేశాడట.
కానీ ఫుల్ లెంగ్త్ పాత్రలకు ఒకే గానీ ఐటెం నెంబర్లు చేసే ఉద్దేశం లేదని స్పష్టం చేసిందట ఈ హాట్‌ బ్యూటీ. ప్రస్తుతం ఈ అమ్మడు బెల్లంకొండ శ్రీనివాస్ వంశధార క్రియేషన్స్ బేనర్ పై శ్రీనివాస్ ద‌ర్శ‌క‌త్వంలో ఓ సినిమాలో క‌థానాయిక‌గా న‌టిస్తుంది. ఇక తేజ త్వ‌ర‌లో బెల్లంకొండ శ్రీనివాస్, కాజల్ జంట‌గా ఓ సినిమా రూపొందించాల‌ని భావిస్తున్నాడ‌ట. దీనిపై క్లారిటీ రావ‌ల‌సి ఉంది.
