ఏపీలో ఎన్నికల ప్రచారం హోరెత్తిపోతోంది. ఓ వైపు చంద్రబాబు,జగన్ మరోవైపు పవన్,కేఏ పాల్ ప్రచారంలో దూసుకుపోతున్నారు. తమ పార్టీ అభ్యర్థులను గెలిపించుకునేందుకు నానా తంటాలు పడుతున్నారు. ఇక ప్రజాశాంతి పార్టీ అధ్యక్షుడు కేఏ పాల్ ఏపీ వ్యాప్తంగా సుడిగాలి పర్యటన చేస్తూ తానే ఏపీకి కాబోయే సీఎం అంటూ ప్రచారం చేసుకుంటున్నారు.
అయితే ప్రచారంలో పాల్‌కు వింత అనుభవం ఎదురైంది. ఆయన గోల్డ్ చైన్ కొట్టేశారు. ప్రచారంలో భాగంగా మీడియాతో మాట్లాడుతున్న తరుణంలో ఆయన వేసుకున్న దండలు తీసే ముసుగులో పాల్ చైన్ కూడా కొట్టేశారు. ఇప్పుడు ఈ వీడియో సోషల్ మీడియాలో వైరల్‌గా మారింది.
సాధారంగా ఎన్నికల ప్రచారానికి నేతలు వచ్చినప్పుడు పెద్ద ఎత్తున జనాలు తరలిరావడం,వారి పర్సులు,సెల్‌ఫోన్‌లు పోవడం కామన్‌. కానీ ఫస్ట్ టైం ఓ పార్టీ అధ్యక్షుడు చైన్ కొట్టేయడం. దీనిపై నెటిజన్లు ఫన్నీ కామెంట్లు చేస్తూ వీడియోని షేర్ చేస్తున్నారు.
