స్టార్ హీరోలు ఇతర సినిమాల ప్రీ రిలీజ్ ఫంక్షన్స్ కి రావడం కాస్త అరుదే. ఫ్యామిలీ హీరోల సినిమాలకు లేదా తమ స్వంత బేనర్ సినిమా ఈవెంట్స్ కి మాత్రమే వస్తుంటారు. ఇక ఎన్టీఆర్ కూడా అంతే. కళ్యాణ్ రామ్ సినిమాలకే ఎక్కువగా కనిపిస్తుంటాడు. కానీ ఇప్పుడు తన అభిమాని విశ్వక్ సేన్ కోసం ధమ్కీ సినిమా ఈవెంట్ కి రాబోతున్నాడు.
విశ్వక్ సేన్ ఎన్టీఆర్ కి విరాభిమాని. ఎన్నో సందర్భాల్లో ఈ విషయాన్ని చెప్పుకున్నాడు. తారక్ మీద ఓ రాప్ సాంగ్ కూడా రిలీజ్ చేశాడు. తాజాగా తను డైరెక్ట్ చేస్తూ నిర్మిస్తున్న సినిమాకు తారక్ ను గెస్ట్ ఇన్వైట్ చేశాడు విశ్వక్. తన అభిమాని అడగడంతో వెంటనే గ్రీన్ సిగ్నల్ ఇచ్చాడు తారక్. ప్రస్తుతం ఆస్కార్ అవార్డ్స్ వేడుక కోసం అమెరికా వెళ్ళిన ఎన్టీఆర్ ఆ ఈవెంట్ అవ్వగానే హైదరాబాద్ తిరిగి రానున్నాడు.
వచ్చిన వెంటనే 17 న జరగబోయే ధమ్కీ ప్రీ రిలీజ్ ఈవెంట్ కి ఎటండ్ అవుతాడు. ఆస్కార్ అవార్డ్స్ తర్వాత ఎన్టీఆర్ కనిపించే తెలుగు ఈవెంట్ ఇదే అవుతుంది. ఒక వేళ ఆస్కార్ గనుక వస్తే ఈ ఈవెంట్ లో ఆ సంతోషాన్ని పంచుకుంటారు తారక్. ఏదేమైనా ఎన్టీఆర్ రాకతో ధమ్కీ సినిమాకు హైప్ వచ్చే అవకాశం ఉంది.
ఇవి కూడా చదవండి..
