ప్రముఖ నటుడు జయ ప్రకాష్ రెడ్డి కూమార్తె మల్లికా రెడ్డి నిర్మాతగా శ్రీ జయప్రకాష్ రెడ్డి ప్రొడక్షన్స్ (జెపి ప్రొడక్షన్స్) బ్యానర్ పై ‘ఊరికి ఉత్తరాన’ ఫేం నరేన్ వనపర్తి కథానాయకుడిగా, మల్లికార్జున్ రెడ్డి దర్శకత్వంలో రూపొందనున్న నూతన చిత్రం ప్రారంభోత్సవం గ్రాండ్ గా జరిగింది.
ముహూర్తపు సన్నివేశానికి ప్రముఖ దర్శకులు బి గోపాల్ క్లాప్ కొట్టగా, నిర్మాత బెక్కం వేణుగోపాల్ కెమెరా స్విచాన్ చేశారు. డైరెక్టర్ త్రినాథరావు నక్కిన ముహూర్తపు సన్నివేశానికి దర్శకత్వం వహించారు.
పాయల్ గుప్తా కథానాయికగా నటిస్తున్న ఈ చిత్రానికి శివ డీవోపీ గా పని చేస్తున్నారు. రవి కుమార్ గుర్రం ఆర్ట్ డైరెక్టర్ గా, కార్తిక్ శ్రీనివాస్ ఎడిటర్ గా పని చేస్తున్నారు.
చిత్ర ప్రారంభోత్సవం సందర్భంగా హీరో నరేన్ వనపర్తి మాట్లాడుతూ..’ ఊరికి ఉత్తరాన’ తర్వాత నేను చేస్తున్న సినిమా ఇది. నా రెండో సినిమాకి జయ ప్రకాష్ రెడ్డి ఆశీస్సులతో వారి కుమార్తె మల్లికా రెడ్డి సినిమాలో చేయడం ఆనందంగా వుంది. నాపై నమ్మకంతో ఈ సినిమాని నిర్మిస్తునందుకు వారికి కృతజ్ఞతలు. ఇది యూత్ ఫుల్ ఎంటర్ టైనర్. కథ కొత్తగా వుంటుంది. మంచి అనుభవం వున్న టీంతో చేస్తున్నాం. మీ అందరికీ ఆశీస్సులు, సపోర్ట్ కావాలి’’ అన్నారు
దర్శకుడు అవినాష్ కొకటి మాట్లాడుతూ.. దర్శకుడిగా ఇది నా రెండో సినిమా. యూత్ ఫుల్ ఎలిమెంట్స్ తో మంచి ఎంటర్ టైనర్. మంచి టీం కుదిరింది. 70శాతం షూటింగ్ తెలంగాణ ఆంధ్రాలో జరుగుతుంది. మిగతాది కేరళలో జరుగుతుంది. ఆగస్టు నుంచి షూట్ మొదలుపెడతాం.” అన్నారు.
Also Read: నిఖిల్ ‘స్పై’ రిజల్ట్ ఇదే
నిర్మాత మల్లికారెడ్డి మాట్లాడుతూ.. నాన్న ఆశయాలని ముందుకు తీసుకెళ్లాలని నిర్మాణంలోకి వచ్చాను. మా నాన్నకి ఫస్ట్ హీరో బి గోపాల్ . సమరసింహారెడ్డిలో చేసిన పాత్ర నాన్నకి ఎంతో పేరు తీసుకొచ్చింది. బి గోపాల్ క్లాప్ కొట్టడం చాలా ఆనందంగా వుంది. అలాగే సురేష్ బాబు బెస్ట్ విశేస్ అందించారు. హీరో నరేన్ చాలా పాజిటివ్ పర్సన్. మంచి టీం కుదిరింది. జెపీ ప్రొడక్షన్స్ లో నిర్మిస్తున్న ఈ చిత్రం పెద్ద విజయం సాధించేలా కృషి చేస్తాం.’’ అన్నారు.
Also Read: Oscar:ప్రౌడ్‌ మూమెంట్‌.. జ్యూరీలో ఆర్ఆర్ఆర్ టీం..
 బ్యానర్ పై ‘ఊరి....){kind=link}