సీఎం కేసీఆర్‌ను కలిసిన జార్ఖండ్ సీఎం హేమంత్ సోరెన్…

హైదరాబాద్ ప్రగతి భవన్లో సీఎం కేసీఆర్‌ను కలిశారు జార్ఖండ్‌ ముఖ్యమంత్రి హేమంత్‌ సోరెన్‌. గురువారం ప్రగతి భవన్‌కు వచ్చిన హేమంత్‌కు సాదరంగా స్వాగతం పలికిన సీఎం కేసీఆర్…పార్టీ నేతలను పరియం చేశారు. హేమంత్‌ సోరెన్‌ మూడు రోజులపాటు హైదరాబాద్‌లో ఉండనున్నారు.

ఈ సందర్భంగా ఇరువురు ముఖ్యమంత్రుల మధ్య దేశ రాజకీయాలు, వర్తమాన అంశాలపై చర్చ జరిగినట్టు తెలిసింది. బీజేపీని ఓడించడానికి ప్రాంతీయ పార్టీలన్నీ ఏకతాటిపైకి రావాల్సిన ఆవశ్యకత ఉందని, దీనికి అనుసరించాల్సిన వ్యూహాన్ని ఖరారు చేయడానికి త్వరలో అన్ని పార్టీల నేతలతో సమావేశం నిర్వహించాలని ఈ సమావేశంలో అభిప్రాయానికి వచ్చినట్లు తెలుస్తోంది.

విపక్షాలపై కక్ష సాధింపు కోసం సీబీఐ, ఈడీ, ఐటీ వంటి విభాగాల దుర్వినియోగం, గవర్నర్లు సృష్టిస్తున్న ఇబ్బందులు వంటి అంశాలపై చర్చించినట్టు తెలుస్తోంది.