ప్రపంచ ఆర్థిక వ్యవస్థలో భారత్ కీలక పాత్ర

ప్రస్తుతం ప్రపంచ రాజకీయ మరియు ఆర్థిక వ్యవస్థ తీవ్రమైన మార్పులు, మథనానికి (Churn) లోనవుతోందని భారత విదేశాంగ శాఖ మంత్రి డాక్టర్ ఎస్. జైశంకర్ వ్యాఖ్యానించారు. బ్రిక్స్ (BRICS) బిజినెస్ ఫోరమ్ సమావేశంలో మాట్లాడిన ఆయన, ప్రస్తుత అంతర్జాతీయ పరిస్థితులు, గ్లోబల్ సప్లై చైన్ (సఫరా వ్యవస్థలు), మరియు ఆర్థిక సవాళ్లపై కీలక ప్రసంగం చేశారు.

గ్లోబల్ ఆర్థిక, రాజకీయ రంగాలు ప్రస్తుతం వేగవంతమైన మార్పులను ఎదుర్కొంటున్నాయని, ఇటువంటి సమయంలో గ్లోబల్ సౌత్ (అభివృద్ధి చెందుతున్న దేశాల) స్వరం మరింత బలంగా వినపడాల్సిన అవసరం ఉందని చెప్పారు. సరఫరా వ్యవస్థలలో అంతరాయాలు ఏర్పడకుండా మరింత విశ్వసనీయమైన, స్థితిస్థాపకత కలిగిన వ్యవస్థలను నిర్మించుకోవాలని సభ్య దేశాలకు పిలుపునిచ్చారు.

బ్రిక్స్ కూటమిలోని దేశాల మధ్య పరస్పర వాణిజ్యం, పెట్టుబడులు మరియు సాంకేతిక సహకారాన్ని మరింత విస్తరించాలని జైశంకర్ ఆకాంక్షించారు.ఐక్యరాజ్యసమితి (UN) సహా ఇతర గ్లోబల్ గవర్నెన్స్ సంస్థల్లో తక్షణ సంస్కరణలు చేపట్టాలని, వర్ధమాన దేశాలకు తగిన భాగస్వామ్యం లభించాలని పునరుద్ఘాటించారు.

Also Read:అసెంబ్లీ ఘటనపై ఢిల్లీకి బీఆర్‌ఎస్ బృందం

గ్లోబల్ ఎకానమీ ఎదుర్కొంటున్న సవాళ్లను అధిగమించడానికి మరియు స్థిరమైన వృద్ధి సాధించడానికి బ్రిక్స్ దేశాల మధ్య సమగ్ర భాగస్వామ్యం, చర్చలు ఎంతగానో ఉపయోగపడతాయని ఆయన తెలిపారు.