జనసేన ప్రభంజనం..

ఏపీలో జనసేన ప్రభంజనం సృష్టించింది. జనసేన పోటీ చేసిన 21 స్థానాల్లో 19 స్థానాల్లో లీడ్‌లో ఉంది. పిఠాపురంలో జనసేనాని పవన్ కళ్యాణ్ భారీ మెజారిటీ దిశగా దూసుకెళ్తున్నారు. కోస్తాతో పాటు రాయలసీమ జిల్లాల్లోనూ జనసేన పార్టీ సత్తా చాటుతోంది.

కాకినాడ, మచిలీపట్నం ఎంపీ స్థానాల్లోనూ జనసేన ఆధిక్యంలో ఉంది. 2019 అసెంబ్లీ ఎన్నికల్లో ఒకే ఒక సీటు గెలిచిన జనసేన ఈసారి సునామీ సృష్టిస్తుండటంతో ఆ పార్టీ శ్రేణులు సంబరాల్లో మునిగిపోయాయి.

తాజా ఎన్నికల ఫలితాలు జగన్ పాలనపై ప్రజాగ్రహానికి నిదర్శనమని జనసేన మచిలీపట్నం ఎంపీ అభ్యర్థి వల్లభనేని బాలశౌరి అన్నారు. అవినీతి, అక్రమాలతో వైఎస్ జగన్ అడ్డగోలుగా వ్యవహరించారని, జగన్ నియంతృత్వ పోకడలను ప్రజలు తట్టుకోలేక పోయారని వ్యాఖ్యానించారు.

Also Read:ఓటమి బాటలో ఏపీ మంత్రులు..