అడ‌విలో జంతువులు మాట్లాడి స్నేహం చేస్తే చూడ‌టానికి చాలా ఆనందంగా వుంటుంది. పిల్ల‌లైతే అవి చూస్తూ మరో లోకంలో తేలిపోతారు. డిస్నీ లోకంలో మాత్రం అది సాధ్య‌మ‌వుతాయి. క్రూ ర మృగాలు మనషుల వలే మాట్లాడతాయి, మిగతా మృగాలతో స్నేహం చేస్తాయి, కలిసిమెలిసి జీవిస్తాయి. ఏదయినా జంతువు కనిపిస్తే వేటాడి తినేసే రారాజు సింహం తన రాజ్యంలో ఉన్న జంతువులను కాపాడుతూవుంటుంది. ఇది అంతా డిస్ని వాళ్లు తయారు చేసిన లయన్ కింగ్ అనే సినిమా కథ.
డిస్నీ కామిక్ పుస్తకాల్లో పుట్టిన ఈ సింహం పేరు సింబ, సింబ నే లయన్ కింగ్ కథకి హీరో, అలానే సింబ తో పాటు టిమోన్ అనే ముంగిస పుంబా అనే అడివి పంది లయన్ కింగ్ కథలో ముఖ్య పత్రాలు. కార్టూన్ నెట్వర్క్‌లో కామిక్ సీరియల్‌గా మొదలైన లయన్ కింగ్‌ని ఆ తరువాత డిస్నీ వారు 2డి ఆనిమేటెడ్ సినిమాగా 90లో విడుదల చేశారు. అప్పట్లో సూపర్ హిట్‌గా నిలిచిన ఈ సినిమాని ఇప్పుడు 3డి ఆనిమేటెడ్ టెక్నాలజీతో, కంప్యూటర్ గ్రాఫిక్స్ ఉపయోగించి లయన్ కింగ్ ఫాన్స్ కి, కామిక్ అభిమానులకి సరి కొత్త అనుభూతుని ఇచ్చేందుకు మరో మారు డిస్నీ వారు ప్రయత్నిస్తున్నారు. అందలో భాగంగానే లయన్ కింగ్ కొత్త హంగులతో 3డి ఆనిమేటెడ్ సినిమాగా జులై 19న విడుదల అవుతుంది.
లయన్ కింగ్ హిందిలో కీల‌క పాత్రైన ముసాఫాకు షారుక్,ముసాఫా త‌న‌యుడు సినిమాకు హీరో పాత్రైన సింబాకు షారుక్ త‌న‌యుడు ఆర్య‌న్ ఖాన్ డబ్బింగ్ చెప్పిన విష‌యం తెలిసిందే.. అలానే ఈ సినిమా తెలుగు వెర్ష‌న్‌లో పుంబా పాత్ర‌కు హాస్య బ్ర‌హ్మ బ్ర‌హ్మానందం అలానే టీమోన్ పాత్ర‌కు ఆలీ డబ్బింగ్ చెప్ప‌టం కూడా తెలిసిందే.. అయితే తెలుగులో ఇప్పటికే క్రేజ్‌ని సొంతం చేసుకున్న ఈ లయన్ కింగ్‌లో ఎవ‌ర్‌గ్రీన్ ఛార్మింగ్ స్టార్ జ‌గ‌ప‌తి బాబు స్కార్ పాత్రకి డబ్బింగ్ చెప్ప‌గా.. ముఫార్ పాత్రకి డబ్బింగ్ స్టార్ పి.ర‌విశంక‌ర్ చెప్ప‌టం విశేషం.
ప్రపంచ వ్యాప్తంగా దాదాపు అన్ని ముఖ్య భాషల్లో ఈ సినిమాను విడుదల చేస్తున్నారు. ఇప్పటికే, మార్వేల్- డిస్నీ సంయుక్తంగా నిర్మించి విడుదల చేసిన అవెంజర్స్ ఎండ్ గేమ్ బ్లాక్‌బస్టర్‌గా నిలిచింది. ఆ వెంటనే అల్లాద్దీన్ రూపంలో మరో మారు డిస్నీ వారు వరల్డ్ మూవీ లవర్స్ ని అలరించారు. ఇప్పుడు లయన్ కింగ్ రూపంలో మరో హిట్ తమ అకౌంట్‌లో పడనుంది అని డిస్నీ ఇండియా బృందం ధీమా వ్యక్తం చేస్తున్నారు. తెలుగులో కూడా లయన్ కింగ్ భారీ స్థాయిలో విడుదలకి రెడీ అవుతుంది.
