ఇస్రో వందో ప్రయోగానికి కౌంట్ డౌన్ ప్రారంభమైంది. శ్రీహరికోటలోని షార్‌ నుండి జీఎస్ఎల్వీ-ఎఫ్‌15 (GSLV-F15) రాకెట్‌ను రేపు రోదసిలోకి పంపనుంది ఇస్రో. ఇందుకు సంబంధించిన కౌంట్‌డౌన్‌ మంగళవారం తెల్లవారుజామున 2.53 గంటలకు ప్రారంభించింది.
27 గంటలపాటు ఈ కౌంట్‌డౌన్‌ కొనసాగనుంది. బుధవారం ఉదయం 6.23 గంటలకు షార్‌లోని రెండో ల్యాంచ్‌ఫ్యాడ్‌ నుంచి రాకెట్‌ నింగిలోకి దూసుకెళ్లనుంది.జీఎస్ఎల్వీ-ఎఫ్‌15 రాకెట్‌ జీఎస్ఎల్వీ సిరీస్‌లో ఇది 17వ ప్రయోగం.
భారత భూభాగం నుంచి దాదాపు 1500 కిలోమీటర్ల వరకు విస్తరించి ఉన్న ప్రాంతాల్లో వినియోగదారులకు ఖచ్చితమైన స్థానం, వేగం, సమయం సేవలను అందించడం దీని ఉద్దేశం. కొత్త శాటిలైట్‌తో దేశీయ నావిగేషన్‌ వ్యవస్థ నావిక్‌ మరింత విస్తృతం కానున్నది. ఈ ఉపగ్రహాన్ని బెంగళూరులోని యూఆర్‌రావు శాటిలైట్‌ సెంటర్‌లో రూపొందించగా.. ఇతర శాటిలైట్‌ సెంటర్లు సహకారం అందించాయి.
Also Read:కార్యకర్తగానే పనిచేస్తా: నారా లోకేశ్
 రాకెట్‌ను రేపు రోదసిలోకి పంపనుంది ఇస్రో.){kind=link}