ఇజ్రాయెల్ ప్రధాని నెతన్యాహు మృతి చెందినట్లు కొద్ది రోజులుగా సోషల్ మీడియాలో విస్తృతంగా ప్రచారం జరిగింది. ఈ వదంతులను ఖండిస్తూ ఆయన అధికారిక ఖాతా నుంచి వరుస వీడియోలు విడుదలయ్యాయి.
తాజాగా విడుదలైన వీడియోలో నెతన్యాహు అమెరికా రాయబారి మైక్ తో కలిసి కనిపించారు. ఈ వీడియో ద్వారా తాను సురక్షితంగా ఉన్నానని స్పష్టం చేశారు. అలాగే తనపై జరుగుతున్న తప్పుడు ప్రచారాలను వ్యంగ్యంగా ఖండిస్తూ, “నేను బతికే ఉన్నా” అనే సందేశాన్ని ఇచ్చారు.
వీడియోలో ఆయన తన చేతిని చూపిస్తూ “నాకు ఐదు వేళ్లే ఉన్నాయి” అని చెప్పడం ద్వారా సోషల్ మీడియాలో వచ్చిన విచిత్రమైన వాదనలకు సెటైర్లు వేశారు. ఈ వ్యాఖ్యలు ప్రస్తుతం వైరల్ అవుతున్నాయి.
ఇదిలా ఉండగా, దేశ భద్రత విషయంలో ఆయన కఠినంగా స్పందించారు. ఇజ్రాయెల్పై దాడులు చేసే వారిపై తీవ్ర చర్యలు తీసుకుంటామని హెచ్చరించారు. “మా లక్ష్యంగా ఉన్నవారిని వదిలిపెట్టం” అనే విధంగా గట్టిగా సందేశం ఇచ్చారు.
Also Read:మొక్కజోన్న రైతుల కోసం బీఆర్ఎస్ ఆందోళన
మొత్తంగా, ఈ వీడియోల ద్వారా నెతన్యాహు తన ఆరోగ్యం, భద్రతపై ఉన్న సందేహాలకు చెక్ పెట్టడంతో పాటు, శత్రువులకు కఠిన హెచ్చరికలు జారీ చేశారు.