నేషనల్ హైవేలపై ప్రయాణిస్తున్నప్పుడు అనుకోకుండా మీ వాహనంలో పెట్రోల్ లేదా డీజిల్ అయిపోతే ఆందోళన చెందాల్సిన అవసరం లేదు. మీకు సహాయం చేసేందుకు NHAI ప్రత్యేక సిబ్బంది సిద్ధంగా ఉంటారు.
టోల్ ఫ్రీ నంబర్ 1033కు కాల్ చేస్తే, మీ లొకేషన్ను గుర్తించి నిమిషాల్లోనే హెల్పింగ్ టీమ్ మీ వద్దకు చేరుకుంటుంది. అవసరమైతే డబ్బులు చెల్లించి 5 లీటర్ల వరకు పెట్రోల్ లేదా డీజిల్ అందించబడుతుంది. దీంతో సమీప పెట్రోల్ బంక్ వరకు సురక్షితంగా చేరుకోవచ్చు.
ఇది మాత్రమే కాకుండా, టైర్ పంక్చర్, వాహనం బ్రేక్డౌన్, మెడికల్ ఎమర్జెన్సీ వంటి పరిస్థితుల్లో కూడా అత్యవసర సేవలు అందుబాటులో ఉంటాయి. అన్ని రకాల వాహనాలకు ఈ సేవలు 24 గంటలు, 7 రోజులూ అందుబాటులో ఉంటాయి.
హైవేపై ప్రయాణించే ముందు వాహనంలో ఇంధనం, టైర్లు, డాక్యుమెంట్లు చెక్ చేసుకోవడం మంచిది. అయినా సమస్య ఎదురైతే 1033కు కాల్ చేయడం మర్చిపోవద్దు. మీ ప్రయాణం సురక్షితంగా కొనసాగేందుకు ఈ సేవలు ఎంతో ఉపయోగకరం.
Also Read:కనకదుర్గమ్మ సన్నిధిలో మంత్రి కోమటిరెడ్డి