హోమ్ లోన్ తీసుకుంటున్నారా అయితే ఖచ్చితంగా ఇది మీకోసమే. ఎందుకంటే లోన్ తీసుకునేటప్పుడు, సంతకాలు చేసేటప్పుడు లోన్ పేపర్లను పూర్తిగా చదవకుంటే తిప్పలు తప్పవు. హోమ్ లోన్ తీసుకునేటప్పుడు దాగి ఉండే కొన్ని అదనపు ఛార్జీలు నిశ్శబ్దంగా మీ అప్పు భారాన్ని పెంచేస్తాయి. ప్రాసెసింగ్ ఫీజులు, స్టాంప్ డ్యూటీ మరియు ఇన్సూరెన్స్ వంటివి మీ నెలవారీ ఈఎమ్ఐ (EMI) ని పెంచడమే కాకుండా దీర్ఘకాలంలో మీపై ఆర్ధిక బారాన్ని పెంచుతాయి. అందుకే కొత్త హోమ్ లోన్ తీసుకునే ముందు సర్టిఫైడ్ ఆర్థిక నిపుణుల సలహా తీసుకోవడం ఎంతో అవసరం.
హోమ్ లోన్ ఆఫర్లలో కనిపించే తక్కువ EMI కొన్నిసార్లు మిమ్మల్ని తప్పుదోవ పట్టించవచ్చు. ఈఎంఐ తొలుత తక్కువగా అనిపించినప్పటికీ అసలు అప్పు ఖర్చులో అనేక అదనపు ఛార్జీలు కలిసి ఉంటాయి. ఇవి కాలక్రమేణా మీరు తిరిగి చెల్లించాల్సిన మొత్తం మొత్తాన్ని భారీగా పెంచుతాయని నిపుణులు చెబుతున్నారు.
ఒక హోమ్ లోన్లో కేవలం EMI మాత్రమే కాకుండా అనేక ఇతర ఖర్చులు కూడా ఉంటాయి. రుణ ఒప్పందంపై సంతకం చేయడానికి ముందే రుణగ్రహీతలు వీటిని జాగ్రత్తగా అంచనా వేయాలి. వీటిలో సాధారణంగా ప్రాసెసింగ్ ఫీజులు, లీగల్ మరియు టెక్నికల్ వాల్యుయేషన్ ఛార్జీలు, డాక్యుమెంటేషన్ ఖర్చులు, స్టాంప్ డ్యూటీ మరియు ఇతర పరిపాలనా ఖర్చులు ఉంటాయి. ఇవి వేర్వేరు బ్యాంకులు లేదా రుణ సంస్థలను బట్టి మారుతుంటాయి.
ఈ వివరాలన్నీ లోన్ శాంక్షన్ లెటర్ మరియు లోన్ డాక్యుమెంట్లలో పేర్కొన్నప్పటికీ…భవిష్యత్తులో వచ్చే ఆశ్చర్యకరమైన ఆర్థిక ఇబ్బందులను నివారించడానికి పూర్తి ఖర్చుల నిర్మాణాన్ని అర్థం చేసుకోవడం ముఖ్యం. రుణగ్రహీతలు కేవలం వడ్డీ రేటును మాత్రమే కాకుండా మొత్తం అప్పు ఖర్చును అంచనా వేయాలి. ఎందుకంటే ఈ అదనపు ఛార్జీలు మీ దీర్ఘకాలిక ఆర్థిక ప్రణాళికపై ప్రభావం చూపుతాయి. నిబంధనలను జాగ్రత్తగా సమీక్షించడం వల్ల సరైన నిర్ణయం తీసుకోవచ్చు.
()మీరు హోమ్ లోన్ అప్లికేషన్ సమర్పించినప్పుడు మీపై కొన్ని ప్రాసెసింగ్ ఛార్జీలు పడతాయని గుర్తుంచుకోవాలి. ఈ ఖర్చులలో అప్రూవల్ మరియు డాక్యుమెంటేషన్ ఫీజులు ఉంటాయి. ఇవి మీ ప్రారంభ ఖర్చులను పెంచుతాయి. బ్యాంకులు తమ నిర్వహణ ఖర్చులు మరియు నిధుల పంపిణీ ప్రక్రియను సజావుగా సాగించడం కోసం ఈ ఛార్జీలను విధిస్తాయి.
()ఆస్తి వెరిఫికేషన్ , క్రాస్-చెకింగ్ మరియు లీగల్ అనాలసిస్ కోసం అదనపు ఖర్చులు అవుతాయి. ఈ ఖర్చులు ఆస్తి విలువ మరియు రుణ సంస్థను బట్టి మారుతుంటాయి. మీరు కొనబోయే ఆస్తి చట్టబద్ధంగా సరిగ్గా ఉందా…ఎటువంటి కోర్టు వివాదాలు లేవా మరియు అది మీరు అడుగుతున్న లోన్ మొత్తానికి సరిపోతుందా లేదా అని నిర్ధారించుకోవడానికి బ్యాంకులు ఈ తనిఖీలు చేస్తాయి. ఆస్తి యొక్క చట్టపరమైన విలువ, మార్కెట్ విలువను పూర్తిగా ధృవీకరించిన తర్వాతే లోన్ మంజూరు అవుతుంది.
() హోమ్ లోన్ దరఖాస్తుదారులు సాధారణంగా విస్మరించే మరో ముఖ్యమైన అంశం ఇది. మీరు కొత్త ఇల్లు కొనుగోలు చేసేటప్పుడు రిజిస్ట్రేషన్ ప్రక్రియలో వచ్చే తప్పనిసరి చట్టబద్ధమైన ఖర్చులైన స్టాంప్ డ్యూటీ, డాక్యుమెంటేషన్ వంటి వాటిని కూడా మీ బడ్జెట్లో భాగం చేసుకోవాలి. ఇవి మొదట్లో చిన్నవిగా అనిపించినప్పటికీ…అన్నీ కలిపి ఒకేసారి పెద్ద మొత్తంగా మారి ఇంటి కొనుగోలు మొత్తం బడ్జెట్ను పెంచేస్తాయి.
()నిర్ణీత కాలపరిమితి కంటే ముందే మీ హోమ్ లోన్ను పూర్తిగా క్లోజ్ చేయడాన్ని ప్రీపేమెంట్ అంటారు. చాలా రుణ సంస్థలు.. రుణగ్రహీతలను లోన్ ముందే క్లోజ్ చేయడానికి అనుమతిస్తాయి. అయితే గడువు కంటే ముందే డబ్బులు చెల్లించడం వల్ల బ్యాంకుకు వచ్చే వడ్డీ నష్టాన్ని భర్తీ చేయడానికి బ్యాంకులు కొంత పెనాల్టీ విధిస్తాయి. ఇది మీ ముందస్తు చెల్లింపుల సౌలభ్యాన్ని కాస్త తగ్గించవచ్చు.
Also Read:వెనక్కి తగ్గిన ‘పెద్ది’ నిర్మాతలు!
()చాలా బ్యాంకులు హోమ్ లోన్ ఇచ్చేటప్పుడు హోమ్ లోన్ ఇన్సూరెన్స్, ప్రాపర్టీ ఇన్సూరెన్స్ లేదా క్రెడిట్ ప్రొటెక్షన్ ప్లాన్లను తీసుకోవాల్సిందిగా ఒత్తిడి తెస్తుంటాయి. ఈ పాలసీలు కొన్నిసార్లు ప్రయోజనకరంగా అనిపించినప్పటికీ వీటి వల్ల మీ మొత్తం అప్పు భారం మరియు వడ్డీ కాలక్రమేణా గణనీయంగా పెరుగుతాయని రుణగ్రహీతలు గమనించరు. అందుకే లోన్తో పాటు ఇచ్చే ఇన్సూరెన్స్ ప్లాన్ తప్పనిసరిగా తీసుకోవాలా లేదా ఆప్షనల్ అని సంతకం చేసే ముందే స్పష్టంగా అడిగి తెలుసుకోవాలి.
()హోమ్ లోన్ తీసుకునేటప్పుడు కేవలం నెలవారీ EMI లేదా వడ్డీ రేటును మాత్రమే కాకుండా లోన్ వల్ల అయ్యే మొత్తం ఖర్చును లెక్కించాలి. వేర్వేరు బ్యాంకులు అందించే లోన్ ఆఫర్లను పోల్చి చూసుకోవాలి..లోన్ నిబంధనలను నిశితంగా చదవాలి మరియు దీర్ఘకాలిక ఆర్థిక స్థిరత్వం కోసం ఒక సర్టిఫైడ్ ఫైనాన్షియల్ అడ్వైజర్ను సంప్రదించడం మంచిది.