ఆసీస్‌ గడ్డపై భారత మహిళ జట్టు అద్భుతం

అంతర్జాతీయ టీ20 క్రికెట్‌లో భారత మహిళల క్రికెట్ జట్టు అద్భుత విజయాన్ని సాధించింది. ఆస్ట్రేలియా గడ్డపై తొలిసారి టీ20 సిరీస్ గెలిచి చరిత్ర సృష్టించింది. మూడు మ్యాచ్‌ల సిరీస్‌ను 2-1 తేడాతో కైవసం చేసుకుని సత్తా చాటింది.

నిర్ణాయక మ్యాచ్‌లో భారత్ 20 ఓవర్లలో 176/6 పరుగులు చేయగా, ప్రత్యర్థి ఆసీస్‌ మహిళల జట్టు 159/9కే పరిమితమైంది. భారత బౌలర్లు కట్టుదిట్టంగా బౌలింగ్ చేసి ఆస్ట్రేలియా బ్యాటర్లను ఒత్తిడిలోకి నెట్టారు. బ్యాటింగ్‌లో కూడా భారత ఆటగాళ్లు సమిష్టి ప్రదర్శన కనబర్చారు. ఆస్ట్రేలియాను వారి సొంత గడ్డపై ఓడించడం భారత మహిళా జట్టుకు గొప్ప మైలురాయిగా నిలిచింది. ఈ విజయంతో మహిళా క్రికెట్‌లో భారత జట్టు మరింత ఆత్మవిశ్వాసాన్ని పొందింది.

Also Read:రైతు బడి అగ్రి షోలో మాజీ మంత్రి హరీష్