తొలి వన్డేలో భారత్ ఓటమి

దక్షిణాఫ్రికాతో జరిగిన తొలి వన్డేలో భారత్ ఓటమి పాలైంది. సఫారీలు విధించిన 250 పరుగుల లక్ష్య చేధనలో భారత్ 8 వికెట్లు కొల్పోయి 240 పరుగులు చేసింది. దీంతో 9 పరుగుల తేడాతో భారత్ పరాజయాన్ని చవిచూసింది. కెప్టెన్ శిఖర్ ధావన్ (4), ఓపెనర్ శుభమన్ గిల్ (3),రుతురాజ్ గైక్వాడ్ (19), ఇషాన్ కిషన్ (20) తక్కువ స్కోరుకే ఔటయ్యారు. శ్రేయాస్ అయ్యర్ (50: 37 బంతుల్లో 8×4), సంజు శాంసన్ (86 నాటౌట్: 63 బంతుల్లో 9×4, 3×6) చివరి వరకూ పోరాడినా ఫలితం లేకపోయింది.

ఇక అంతకముందు బ్యాటింగ్ చేసిన దక్షిణాఫ్రికా 40 ఓవర్లలో 249 పరుగులు చేసింది. క్లాసేన్ (74 నాటౌట్), మిల్లర్ (75 నాటౌట్) రాణించడంతో సౌతాఫ్రికా మెరుగైన స్కోరు చేసింది. రెండో వన్డే మ్యాచ్ ఆదివారం రాంచీ వేదికగా మధ్యాహ్నం 1:30 గంటలకి ప్రారంభంకానుంది.