భారతదేశంలో ఒక కొత్త ఆర్థిక వ్యవస్థను ఆర్బీఐ నెలకొల్పింది. డిసెంబర్‌ 1 నుంచి డిజిటల్ కరెన్సీని తీసుకువచ్చింది. దీని ద్వారా ప్రజలు ఇక నేరుగా కరెన్సీ రహితంగా వ్యాపార లావాదేవీలను నిర్వహించే విధంగా ప్రభుత్వం ఆర్బీఐ ఏర్పాటు చేసింది. పూర్తిగా కరెన్సీ రహితంగా ఎక్కడైనా ఎప్పుడైనా సులభంగా కేవలం ఫోన్‌ ద్వారా డిజిటల్ లావాదేవిలను నిర్వహించుకోవచ్చు.
ఇందుకోసం పైలట్ ప్రాజెక్ట్‌ కోసం స్టేట్ బ్యాంక్ ఆఫ్ ఇండియా, ఐసిఐసిఐ బ్యాంక్, యెస్ బ్యాంక్, ఐడిఎఫ్‌సి ఫస్ట్ బ్యాంక్, బ్యాంక్ ఆఫ్ బరోడా, యూనియన్ బ్యాంక్ ఆఫ్ ఇండియా, హెచ్‌డిఎఫ్‌సి బ్యాంక్, కోటక్ మహీంద్రా బ్యాంక్ వంటి 8 బ్యాంకులను ఆర్‌బిఐ పైలట్ కోసం ఎంచుకుంది.
సెంట్రల్ బ్యాంక్ డిజిటల్ కరెన్సీ-రిటైల్ (సీబీడీఆర్‌-ఆర్) పైలట్ యొక్క మొదటి దశ కేవలం నాలుగు బ్యాంకులతో ప్రారంభమవుతుంది – స్టేట్ బ్యాంక్ ఆఫ్ ఇండియా, ఐసీఐసీఐ బ్యాంక్, యెస్ బ్యాంక్ మరియు ఐడీఎఫ్‌సీ ఫస్ట్ బ్యాంక్‌లను ఎంచుకోగా ముంబై న్యూఢిల్లీ బెంగళూరు భువనేశ్వర్‌ నగరాల్లో ఈ డిజిటల్ సేవలను ప్రారంభించనున్నారు. ఇది చట్టపరమైన టెండర్‌ను సూచించే విధంగా డిజిటల్ టోకెన్‌ రూపంలో ఉంటుందని ఆర్బీఐ పేర్కొంది. డి
అసలు డిజిటల్ రూపాయి అంటే ఏమిటి?
బ్లాక్‌చెయిన్‌పై ఆధారపడిన క్రిప్టోకరెన్సీల మాదిరిగా కాకుండా, డిజిటల్ రూపాయి అనేది సెంట్రల్ బ్యాంక్ డిజిటల్ కరెన్సీ ( సీబీడీసీ) ద్వారా నిర్వహిస్తారు. డిజిటల్ రూపాయి ప్రారంభము వెనుక ఉన్న ప్రధాన ఆలోచన మార్కెట్ నుండి నగదు డబ్బును తీసివేయడం. క్రిప్టో విలువ మార్కెట్ పరిస్థితులపై ఆధారపడి ఉంటుంది. ఇది హెచ్చుతగ్గులకు లోనవుతుంది. ఇది డిజిటల్ రూపాయి విషయంలో అలా ఉండదు. దాని విలువ నగదు డబ్బు వలెనే అంతటా అలాగే ఉంటుంది. సెంట్రల్ బ్యాంక్ డిజిటల్ కరెన్సీ (సీబీడీసీ) అనేది రిజర్వ్ బ్యాంక్ ఆఫ్ ఇండియా యొక్క కరెన్సీ యొక్క అధికారిక రూపం.
డిజిటల్ రూపాయిని ఎలా పొందాలి?
వినియోగదారులు ఆర్బీఐ ఆమోదించిన బ్యాంకుల నుండి డిజిటల్ కరెన్సీలను కొనుగోలు చేసుకోవాలి. ఆర్బీఐ నియమించిన నాలుగు బ్యాంకులలో ఏదైనా అధికారిక యాప్ లేదా వెబ్‌సైట్‌కి వెళ్లాలి. ఒక వ్యక్తి రుణదాత వద్ద బ్యాంక్ ఖాతా లేకపోయినా కూడా జారీ చేసే బ్యాంకుల నుండి ఈ₹ కొనుగోలు చేయవచ్చు. ఇది డిజిటల్ స్వభావాన్ని కలిగి ఉన్నప్పటికీ, ఈ₹-ఆర్ భౌతిక నగదు యొక్క లక్షణాలను అందిస్తుంది. మీ బ్యాంక్ ఖాతా నుండి నగదు ఉపసంహరణల వలె ఉంటుంది.
ఇందులో నగదును స్వీకరించడానికి బదులుగా, బ్యాంకులు మీ వాలెట్‌లో మీ ఈ₹ని క్రెడిట్ చేస్తాయి. మీరు దానిని సంప్రదాయ నగదు లాగా లావాదేవీలు చేయడానికి ఉపయోగించవచ్చు. 50,000 కంటే తక్కువ లావాదేవీలను నమోదు చేయకూడదని ఆర్‌బిఐ బ్యాంకులను ఆదేశించింది. ఈ డిజిటల్ కరెన్సీపై పెట్టుబడి పెట్టడానికి ఏటువంటి అవకాశం ఉండదు. ఎందుకంటే ఏలాంటి వడ్డీ లభించదు. ఇది సాధారణ నగదు వలే చేలామణిలో ఉంటుంది.
డిజిటల్ రూపాయిని బదిలీ చేయవచ్చా?
డిజిటల్ రూపాయి అనేది డిజిటల్ రూపంలో ఉన్న మీ డబ్బు తప్ప మరేమీ కాదు కాబట్టి, దీన్ని సులభంగా స్నేహితులు మరియు కుటుంబ సభ్యులకు బదిలీ చేయవచ్చు. అయితే, సీబీడీసీ-ఆర్ బదిలీని ప్రస్తుతానికి ఎస్బీఐ ఐసీఐసీఐ బ్యాంక్, యెస్ బ్యాంక్ మరియు ఐడీఎఫ్‌సీ, ఫస్ట్ బ్యాంక్ మాత్రమే ప్రాసెస్ చేయగలవు. ఇది పేటీఎం లేదా మరేదైనా చెల్లింపు వాలెట్‌లో సాధారణ డబ్బు వలె నిల్వ చేయబడుతుంది.
షాపింగ్ చేయడానికి, ఆన్‌లైన్ చెల్లింపులు చేయడానికి డిజిటల్ రూపాయిని ఉపయోగించవచ్చా?
ఇది సాదారణ రూపాయి లాంటి లావాదేవీలాగా నిర్వహించుకోవచ్చు. ఇతర యూపీఐ యాప్‌లు ఏవిధంగా వాడుకుంటామో అలాగే డిజటల్‌ కరెన్సీని ఉపయోగించుకోవచ్చు. వ్యక్తి నుండి వ్యక్తి మరియు వ్యక్తి నుండి వ్యాపారి రెండూ కావచ్చు. వినియోగదారులు తమ సమీపంలోని కిరానా స్టోర్ల నుండి వస్తువులను కొనుగోలు చేయడానికి మరియు షాపింగ్ చేయడానికి డిజిటల్ రూపాయిని ఉపయోగించగలరని ఆర్బీఐ స్పష్టంగా పేర్కొంది. “ఈ-రూపాయి విశ్వాసం, భద్రత మరియు సెటిల్మెంట్ ముగింపు వంటి భౌతిక నగదు యొక్క లక్షణాలను అందిస్తుంది” అని ఆర్బీఐ తెలిపింది.
సీబీడీసీల రకాలు ఏమిటి?
సీబీడీసీలు రెండు వర్గాలుగా వర్గీకరించబడింది: సాధారణ-ప్రయోజనం లేదా రిటైల్ (సీబీడీసీ-ఆర్) మరియు టోకు (సీబీడీసీ-డబ్ల్యూ). సీబీడీసీ-ఆర్‌ని ప్రైవేట్ రంగం, నాన్-ఫైనాన్షియల్ కస్టమర్‌లు మరియు ఎంటర్‌ప్రైజెస్ ఉపయోగించుకోవచ్చు. అయితే టోకు మాత్రము సీబీడీసీ (ఈ-డబ్ల్యూ) ఆర్బీఐ నిర్ధిష్టమైన సంస్థలకు మాత్రమే అనుమతినిచ్చింది.
ఇవి కూడా చదవండి…
