చెన్నై చిదంబరం స్టేడియం వేదికగా ఇంగ్లాండ్‌తో జరుగుతున్న రెండో టెస్టులో భారత్ టాస్ గెలిచి బ్యాటింగ్ ఎంచుకుంది. నదీమ్, వాషింగ్టన్ సుందర్ స్ధానంలో అక్షర్ పటేల్,కుల్దీప్ యాదవ్,సిరాజ్ తుది జట్టులో చోటు దక్కించుకున్నారు. ఇంగ్లండ్‌ జట్టుకు స్టార్‌ పేసర్‌ ఆర్చర్‌ గాయంతో రెండో టెస్ట్‌కు దూరమయ్యాడు. కుడి మోచేతికి గాయం అయ్యిందని.. రెండో టెస్ట్ ఆడట్లేదని ఇంగ్లండ్‌ క్రికెట్‌ బోర్డు ప్రకటించింది. ఇక ఈ రెండో టెస్ట్ నుంచి స్టేడియంలో మ్యాచ్ చూసేందుకు 50శాతం మంది ప్రేక్షకులకు కేంద్ర ప్రభుత్వం అనుమతి ఇవ్వగా….టికెట్లతో అభిమానులు ఫోటోలు దిగుతూ సందడి చేశారు
భారత జట్టు: రోహిత్ శర్మ,శుభ్‌మన్ గిల్,పుజారా,విరాట్ కోహ్లీ,రహానే,పంత్,అక్షర్ పటేల్,అశ్విన్,కుల్దీప్ యాదవ్,ఇషాంత్ శర్మ,సిరాజ్
ఇంగ్లాండ్ జట్టు: బర్న్స్, సిబ్లీ,లారెన్స్, జో రూట్,బెన్ స్టోక్స్,పోప్,బెన్ ఫోక్స్,మొయిన్ అలీ,స్టువర్ట్ బ్రాడ్,లీచ్,స్టోన్
