తేజ దర్శకత్వంలో మహానటుడు స్వర్గీయ మాజీ ముఖ్యమంత్రి ఎన్టీఆర్ బయోపిక్ తెరకెక్కుతున్న సంగతి తెలిసిందే. ఇందులో ఎన్టీఆర్ పాత్రలో తనయుడు బాలకృష్ణ పోషిస్తున్నారు. అయితే ఎన్టీఆర్తో ఎన్నో హిట్ చిత్రాలలో నటించిన జయలలిత పాత్రను కూడా ఈ చిత్రంలో చూపించనున్నారట. అందుకుగాను హీరోయిన్ కాజల్ని జయలలిత పాత్ర కోసం తేజ సంప్రదించారని టాక్ వినిపించింది.
అయితే తాజాగా దీనిపై నటి కాజల్ స్పందించింది. ఈ సినిమా కోసం నన్ను ఇంతవరకు ఎవరూ సంప్రదించలేదని, ఇది కేవలం పుకారు మాత్రమేనని ఈ చిత్రంలో నేను నటించడం లేదంటూ స్పష్టం చేసింది. కాజల్ నటించడం లేదని చెప్పడంతో మరీ జయలలిత పాత్ర ఎవరికి దక్కుతుందో అని సినీ ప్రేక్షకులు ఆసక్తిగా ఎదురు చూస్తున్నారట.
మరోవైపు బసవతారకం పాత్రకి విద్యాబాలన్ని సంప్రదించారని టాక్ ఎక్కువగా వినిపిస్తుంది. ఇప్పటికే సూపర్ స్టార్ కృష్ణ పాత్ర కోసం మహేష్ని సంప్రదించగా మహేష్ ఆనందంగా ఓకే చెప్పిన సంగతి తెలిసిందే. చిత్ర యూనిట్ తనను సంప్రదిస్తే తాతగారి బయోపిక్లో నటించేందుకు సిద్దంగా ఉన్నానని జూ.ఎన్టీఆర్ చెప్పుకొచ్చారు.
