మాస్ మహారాజా రవితేజ, ఎంటర్ ఎంటర్టైన్మెంట్ కు బ్రాండ్ అంబాసిడర్ శ్రీనువైట్ల, క్రేజీ కాంబినేషన్ లో తెరకెక్కుతున్న హోల్ సమ్ ఎంటర్ టైనర్ “అమర్ అక్బర్ ఆంటోనీ”. “నీకోసం, వెంకీ, దుబాయ్ శీను” లాంటి బ్లాక్ బస్టర్ హిట్స్ తర్వాత రవితేజ-శ్రీనువైట్లల కాంబినేషన్ లో తెరకెక్కుతున్న చిత్రం కావడంతో ఈ చిత్రంపై భారీ అంచనాలున్నాయి. రవితేజ సరసన ఇలియాన కథానాయికగా నటిస్తున్న ఈ చిత్రాన్ని మోస్ట్ సక్సెస్ఫుల్ బ్యానర్ మైత్రీ మూవీ మేకర్స్ సంస్థ నిర్మిస్తోంది.
కామెడీ హీరో సునీల్ కీలకపాత్ర పోషిస్తున్న ఈ చిత్రంలో ప్రముఖ కథానాయకి లయ కుమార్తె శ్లోక, రవితేజ కుమారుడు మహాధన్ ల స్పెషల్ రోల్స్ “అమర్ అక్బర్ ఆంటోనీ” చిత్రానికి ప్రత్యేక ఆకర్షణగా నిలవనున్నాయి.
నాజూకు నడుము అందాలతో టాలీవుడ్‌‌ను షేక్ చేసిన ఇలియానా సినిమా యూనిట్‌తో చేరింది. తొలుత ఈ చిత్రంలో అనూ ఇమ్మానుయేల్‌ను హీరోయిన్‌గా తీసుకున్నప్పటికీ.. ఇలియానాతో రీ ప్లేస్ చేశారు. మైత్రీ మూవీ మేకర్స్ నిర్మాణంలో తెరకెక్కుతున్న ఈ మూవీలో రవితేజ త్రిపాత్రాభినయం చేయనున్నారు. చాలాకాలంగా హిట్ కోసం ఎదురుచూస్తున్న శ్రీనువైట్లతో పాటు ఇలియానా ‘అమర్ అక్బర్ ఆంటోనీ’ చిత్రంతో హిట్ అందుకుంటారో లేదో చూడాలి.
