రెండో విడత ‘సెరో’ సర్వే ఫలితాలు..

81
icmr

తెలంగాణ రాష్ట్రంలో రెండోసారి జరిపిన సెరో సర్వే ఫలితాలను విడుదలైయ్యాయి. రాష్ట్రంలో ఇప్పటి వరకు 12 శాతం మందికి కరోనా వైరస్ సోకి వుంటుందని అంఛానా వేస్తోంది ఐసీఎంఆర్. రాష్ట్రంలో జరిపిన రెండో విడత సెరో సర్వే ఫలితాలను ఐసీఎంఆర్-ఎన్ఐఎన్ సంయుక్తంగా గురువారం విడుదల చేశాయి. రాష్ట్రంలో నిర్వహించిన రెండో విడత యాంటీ బాడీస్ టెస్టుల ఫలితాలను కూడా విడుదల చేశారు. రాష్ట్ర ప్రజల్లో యాంటీ బాడీస్ గణనీయంగా పెరిగినట్లు ఈ సర్వేలో తేలింది.

రాష్ట్రంలో మొత్తం జనాభా సుమారు 4 కోట్లు కాగా.. అందులో 12 శాతం అంటే సుమారు 48 లక్షల మందికి ఇదివరకే కరోనా వచ్చి వెళ్ళి వుంటుందని ఐసీఎంఆర్-ఎన్ఐఎన్ సర్వేలో తేలడం విశేషం. కానీ అధికారిక గణాంకాలలో కరోనా సోకిన వారి సంఖ్య కేవలం 1 లక్షా 93 వేలుగా (అక్టోబర్ 1 ఉదయం నాటికి) వుంది. ఆగస్టు 26, 27 తేదీలలో సెరో సర్వే నిర్వహించగా.. మే నెలతో పోల్చితే.. ఆగస్టులో జరిగిన సర్వే లో పాజిటివ్ కేసులు పెరిగినట్లు తెలుస్తోంది.

-జనగాం, నల్గొండ, కామారెడ్డి లలో 30 గ్రామాలలో 13 వందల 9 మందికి యాంటీ బాడీ టెస్ట్ లు నిర్వహించారు.
-జనగాంలో 454 మంది శాంపిల్స్ పరీక్షించగా.. అందులో 83 మందికి పాజిటివ్ (18.2%) అని తేలింది.
-ఇక మే నెలలో జనగాంలో 0.5% మాత్రమే పాజిటివ్ కేసులు వచ్చాయి.
-నల్గొండలో 422 మందికి టెస్ట్ చెయ్యగా 47 మందికి పాజిటివ్ (11.1%) వచ్చాయి.
-నల్గొండలో మే నెలలో 0.25% మాత్రమే పాజిటివ్ కేసులు నమోదు అయ్యాయి.
-కామారెడ్డిలో 433 మంది శాంపిల్స్ కు గాను.. 30 మందికి పాజిటివ్ (6.9%) వచ్చింది.
-మే నెలలో కామారెడ్డిలో 0.25% పాజిటివ్‌ కేసులు నమోదైయ్యాయి.