ఐ బొమ్మ ప్లేస్‌లో మరో కొత్త వెబ్ సైట్..

ప్రముఖ పైరసీ వెబ్‌సైట్ ఐబొమ్మ (iBOMMA) నిర్వాహకుడు రవి అరెస్టుతో పైరసీ ఆగవచ్చని అంతా ఊహించారు. అయితే, ఆ అంచనాలను తలకిందులు చేస్తూ పైరసీ మాత్రం ఏమాత్రం ఆగడం లేదు. రవి అరెస్ట్ తర్వాత కొద్ది రోజులకే ‘ఐబొమ్మ వన్’ (iBOMMA One) అనే మరో కొత్త వెబ్‌సైట్ పుట్టుకొచ్చింది.

ఈ కొత్త వెబ్‌సైట్‌లో తాజాగా విడుదలైన తెలుగు సినిమాలు మళ్లీ ప్రత్యక్షం అయ్యాయి. ఈ సైట్‌లోని లింక్‌లను క్లిక్ చేస్తే, అది ‘మూవీ రీల్స్’ అనే మరో వెబ్‌సైట్‌కు రీడైరెక్ట్ అవుతోంది.

అధికారులు మరియు సైబర్ నిపుణుల పరిశోధనలో, ఐబొమ్మ కేవలం ఒక సైట్ కాదని, అది ఒక విస్తృతమైన ఎకోసిస్టమ్ అని తేలింది. ఈ నెట్‌వర్క్‌లో ఏకంగా 65 మిర్రర్ వెబ్‌సైట్లు (ప్రతిబింబ సైట్‌లు) ఉన్నట్లు గుర్తించారు. ఒక వెబ్‌సైట్‌ను మూసివేసినా లేదా బ్లాక్ చేసినా, మరో వెబ్‌సైట్ ద్వారా పైరసీ కార్యకలాపాలు యథావిధిగా కొనసాగించేలా ఈ వ్యవస్థను రూపొందించారు. రవి అరెస్టు తర్వాత కూడా ఈ నెట్‌వర్క్ చురుకుగా పనిచేస్తుండటం సినీ పరిశ్రమకు పెద్ద సవాలుగా మారింది.

Also Read:కోర్టు తీర్పులకు వ్యతిరేకంగా చట్టాలా?