హైదరాబాద్‌లో సెంచరీదాటిన డీజీల్ ధర…

పెట్రోల్,డీజీల్ ధర దూకుడుకు కళ్లెం పడటం లేదు. వరుసగా పెరుగుతున్న పెట్రోల్ ధరలు వినియోగదారులకు చుక్కలు చూపిస్తున్నాయి. బుధవారం లీటర్‌ పెట్రోల్‌ పై 90 పైసలు, డీజిల్‌ పై 87 పైసలు పెంచుతూ నిర్ణయం తీసుకున్నాయి చమురు కంపెనీలు.

హైదరాబాద్‌లో లీటర్‌ పెట్రోల్‌ధర రూ.114.51 పైసలు ఉండగా డీజిల్‌ ధర రూ.100.70పైసలుగా ఉంది. దేశరాజధాని ఢిల్లీలో లీటర్‌ పెట్రోల్‌ ధర రూ.101.01 పైసలు ఉండగా డీజిల్‌ ధర రూ.100.21గా ఉండగా ముంబైలో లీటర్‌ పెట్రోల్‌ ధర రూ.115.88 పైసలు ఉండగా డీజిల్‌ధర రూ.100.10గా ఉంది. చెన్నైలో లీటర్‌ పెట్రోల్‌ ధర రూ.106.69 పైసలు ఉండగా డీజిల్‌ ధర రూ.96.76 గా ఉంది.