చిత్రపరిశ్రమలో సిక్వెల్ సినిమాలకు క్రేజ్ చాలా ఎక్కువగా ఉంటుంది. కానీ వాటిలో విజయాల శాతం చాలా తక్కువనే చెప్పుకోవాలి. తమిళం, తెలుగు భాషల్లో సింగం సిక్వెల్స్ వరుస విజయాలతో దూసుకొస్తున్నాయి. సింగం చిత్రం హీరో సూర్యకు తమిళనాడులోనే కాకుండా తెలుగులో కూడా మంచి క్రేజ్‌‌తో పాటు మార్కెట్‌ను కూడా తెచ్చిపెట్టింది. ఇదే క్రమంలో సింగం-3.
చిత్రీకరణ పూర్తి చేసుకున్న సింగం-3 తెలుగు, తమిళ భాషల్లో బాక్సాఫీస్ కొల్లగొట్టడానికి హీరో సూర్య రెడీ అవుతున్నాడు. ఇటీవల విడుదలైన టీజర్ సోషల్ మీడియాని కుదిపేసింది. ఈ చిత్ర తమిళ, తెలుగు భాషల టీజర్‌ను విడుదల చేశారు. టీజర్ అదిరిపోయే రేంజ్‌లో ప్రేక్షకులను ఆకట్టుకుంది. కబాలి తర్వాత అతితక్కువ సమయంలో 30 లక్షల మంది సింగం-3 వీడియోని వీక్షించారు.
కాగా డిసెంబర్ 16న ఈ చిత్రాన్ని రిలీజ్ కు సిద్ధం చేస్తోండగా, దీపావళి కానుకగా మోషన్ పోస్టర్ ని విడుదల చేశారు..ఈ మోషన్ పోస్టర్ చాలా ఎంటర్ టైనింగ్ గా ఉండగా, అభిమానులను ఎంతగానో అలరించింది. ప్రస్తుతం ఈ పోస్టర్ సోషల్ మీడియాలో ట్రెండింగ్ గా మారింది. తాజాగా సింగం-3 టీజర్ సోషల్ మీడియాని కుదిపేస్తోంది.
ఇక మేడే నాడు కార్మిక దినోత్సవ శుభాకాంక్షలతో విడుదలైన కబాలి టీజర్ సరికొత్త రికార్డ్ సృష్టించింది. ఈ టీజర్ ని కేవలం మూడు రోజుల్లోనే కోటి మంది కి పైగా చూడటమే కాకుండా 3లక్షల మంది లైక్ చేశారు. ఈ టీజర్ తో రజనీ తన స్టామినా ఏంటో మరోసారి నిరూపించుకున్నారు.
