ఊపిరితిత్తుల క్యాన్సర్ చాలా ఏళ్లపాటు ఎలాంటి స్పష్టమైన లక్షణాలు లేకుండా శరీరంలో నిశ్శబ్దంగా పెరుగుతుందని, వ్యాధి ముదిరిన తర్వాతే బయటపడుతుందని వైద్య నిపుణులు హెచ్చరిస్తున్నారు. ప్రారంభ దశలోనే దీనిని గుర్తిస్తే ప్రాణాపాయం నుంచి బయటపడే అవకాశాలు గణనీయంగా పెరుగుతాయని స్పష్టం చేస్తున్నారు.
వ్యాధి ముదిరే వరకు లక్షణాలు కనిపించవు కాబట్టి అధిక ప్రమాదం ఉన్నవారు క్రమం తప్పకుండా స్క్రీనింగ్ చేయించుకోవడం ఎంతో అవసరం.: రోజుకు ఒక ప్యాకెట్ చొప్పున 20 ఏళ్లకు పైగా పొగతాగిన వారు (లేదా రోజుకు రెండు ప్యాకెట్ల చొప్పున 10 ఏళ్లు తాగిన వారు).
గతంలో తీవ్రంగా పొగతాగే అలవాటు ఉండి, గడిచిన 15 ఏళ్లలోపు మానేసినవారు.50 నుండి 80 ఏళ్ల వయస్సు ఉండి పొగతాగే అలవాటు ఉన్నవారు లేదా గతంలో తాగినవారు.పని ప్రదేశాల్లో రేడాన్ గ్యాస్, అసబెస్టాస్, ఆర్సెనిక్, లేదా వాహన కాలుష్యానికి నిరంతరం గురయ్యేవారు.కుటుంబంలో ఎవరికైనా ఊపిరితిత్తుల క్యాన్సర్ వచ్చి ఉంటే, వారికి ప్రమాద తీవ్రత ఎక్కువ.
ఊపిరితిత్తుల క్యాన్సర్ను ప్రారంభంలోనే గుర్తించడానికి LDCT స్కాన్ అత్యంత ఖచ్చితమైన సాంకేతికత. ఇది అతి తక్కువ రేడియేషన్తో ఊపిరితిత్తులలోని చిన్న చిన్న గడ్డలను ప్రారంభ దశలోనే స్పష్టంగా చూపిస్తుంది. సాధారణ ఎక్స్-రే (X-ray) కంటే ఇది చాలా ప్రభావవంతమైనది. క్యాన్సర్ మొదటి లేదా రెండవ దశలోనే బయటపడితే, సర్జరీ లేదా రేడియేషన్ ద్వారా వ్యాధిని పూర్తిగా నయం చేసే అవకాశాలు 70% కంటే ఎక్కువగా ఉంటాయి.
Also Read:రామమందిర విరాళాల చోరీ..తుది నివేదిక
వ్యాధి శరీరంలో ఇతర భాగాలకు పాకకముందే గుర్తిస్తే తక్కువ శ్రమ, తక్కువ ఖర్చుతో కూడిన చికిత్స సాధ్యమవుతుంది.వ్యాధి 4వ దశకు చేరుకున్నాకే దగ్గు, రక్త పడటం, శ్వాస తీసుకోవడంలో ఇబ్బంది, బరువు తగ్గడం వంటి లక్షణాలు స్పష్టమవుతాయి. ఆ సమయంలో చికిత్స అందించడం సవాలుగా మారుతుంది. పొగతాగే అలవాటు ఉన్నవారు లేదా పైన పేర్కొన్న ప్రమాద కారకాలు ఉన్నవారు లక్షణాలు కనిపించే వరకు వేచి చూడకుండా, వెంటనే వైద్యుడిని సంప్రదించి లో-డోస్ సీటీ (LDCT) స్క్రీనింగ్ పరీక్షలు చేయించుకోవడం మేలు.