దేశ‌ముదురు సినిమాతో టాలీవుడ్ కు ఎంట్రీ ఇచ్చి టాప్ ప్లేస్ కు దూసుకెళ్లింది హ‌న్సిక. అతి త‌క్కువ కాలంలో ఎక్కువ క్రేజ్ సంపాదించుకున్న హీరోయిన్స్ లో హ‌న్సిక కూడా ఒక‌రు అని చెప్పుకోవ‌చ్చు. తెలుగులో కొంత మంది పెద్ద హీరోల స‌ర‌స‌న న‌టించిన హ‌న్సిక త‌మిళ్ లో మాత్రం అగ్ర‌క‌థానాయిక‌గా వెలుగు వెలిగింది. అక్క‌డ చాలా బిజీగా ఉండ‌టంతో తెలుగులో ఎక్కువ‌గా సినిమాలు చేయ‌డం లేదు.
ఈమ‌ధ్య త‌మిళ్ లో ఆమెకు స‌రైన హిట్స్ రాక‌పోవ‌డంతో అవ‌కాశాలు త‌గ్గాయి. దీంతో మ‌ళ్లీ తెలుగు సినిమాల‌పై దృష్టి పెట్టింది హ‌న్సిక. తాజాగా వ‌స్తున్న స‌మాచారం ప్ర‌కారం ఎన్టీఆర్ బ‌యోపిక్ లో హ‌న్సిక న‌టించ‌నున్న‌ట్లు వార్తలు వ‌స్తున్నాయి. జయప్రద పాత్ర కోసం ద‌ర్శ‌కుడు క్రిష్ హ‌న్సిక ను ఎంపిక చేసిన‌ట్టు తెలుస్తుంది.
ఇంతకుముందు జయప్రద పాత్ర కోసం తమన్నాను తీసుకోనున్నట్టుగా వార్తలు వచ్చాయి. ఏం జరిగిందో తెలియదు గానీ, ఆ పాత్రకు హన్సికను ఫిక్స్ చేసేశారని స‌మాచారం. ఇప్పటికే శ్రీదేవిగా రకుల్ .. సావిత్రిగా నిత్యామీనన్ న‌టిస్తున్న విష‌యం తెలిసిందే. జ‌న‌వ‌రి 9వ తేదిన ఈసినిమా ప్రేక్ష‌కుల ముందుకు రానుంది.
