కల్యాణ్ హీరోగా తెలుగు తెరకి ఎంట్రీ ఇవ్వనున్నాడని కొంతకాలంగా వార్తలొస్తూనే ఉన్నాయి. ఇంతకీ కళ్యాణ్‌ ఎవరో చెప్పనేలేదుకదూ.. మెగాస్టార్‌ చిరంజీవి చిన్నల్లుడు. చిరు చిన్నల్లుడిని హీరోగా పరిచయం చేసేందుకు దానికి సంబంధించిన సన్నాహాలు జరుగుతున్నాయి.
ఇక ఈ సినిమా కోసం కల్యాణ్ ఇప్పటికే నటనలోను .. డాన్స్ .. ఫైట్స్ లోను శిక్షణ తీసుకున్నాడు. ‘జత కలిసే’ సినిమాను గతంలో తెరకెక్కించిన రాకేశ్ శశి ఈ సినిమాకి దర్శకత్వం వహించనున్నాడు.
ఇక చిరంజీవి కూడా ఈ కథ విని కొన్ని మార్పులు .. చేర్పులు చెప్పారని టాక్‌. అయితే చిరూ చెప్పినట్టుగా స్క్రిప్ట్ పై కసరత్తు జరుగుతోందట. ఈ సినిమాలో హీరోయిన్‌గా ‘లై’ బ్యూటీ ‘మేఘా ఆకాశ్’ను ఎంపిక చేసినట్టు వినికిడి.
దాదాపు ఆమె ఎంపిక ఖరారైపోయిందనే అంటున్నారు. పైగా ఈ సినిమా సెట్స్ పైకి వెళ్లడానికి ఎంతోకాలం పట్టదని కూడా చెబుతున్నారు. చూడాలి మరి ఫైనల్‌గా చిరూ చిన్నల్లుడికి హీరోయిన్‌గా ఏ అమ్మాయిని ఫిక్స్‌ చేస్తారో.
