ఏపీ రాజకీయాల్లోకి తమిళ్ స్టార్ హిరో విశాల్ ఎంట్రీ ఇవ్వబోతున్నాడా ? విశాల్ రాజకీయ రంగ ప్రవేశం వెనుక వైసీపీ హస్తం ఉందా ? చంద్రబాబు కు పోటీగా విశాల్ ను నిలిపేందుకు వైఎస్ జగన్ ప్లాన్ చేస్తున్నాడా ? ఇలాంటి ప్రస్తుతం ఏపీ రాజకీయ వర్గాల్లో విపరీతంగా వైరల్ అవుతున్నాయి. విశాల్ కుటుంబం తెలుగు వాళ్లే అయినప్పటికి తమిళ్ నాడులో స్థిరపడ్డారు. దాంతో విశాల్ ను తెలుగు హీరోగానే ట్రీట్ చేస్తుంటారు ఇక్కడి ఆడియన్స్. ఇక విశాల్ కు పాలిటిక్స్ పై కూడా మక్కువ ఎక్కువే. గతంలో విశాల్ తమిళ్ నాడు నడిగర్ ఎన్నికల్లో గెలిచి అధ్యక్షుడిగా కూడా పని చేశారు. ఇక ఏపీ విషయానికొస్తే.. విశాల్ తెలుగువాడే కావడంతో ముఖ్యంగా చిత్తూరు జిల్లా కుప్పం నియోజికవర్గంతో తనకు ప్రత్యేక సంబంధం ఉండని విశాల్ గతంలో కూడా పలు మార్లు చెప్పుకొచ్చారు..
దాంతో ప్రజాకర్షణ ఉన్న విశాల్ ను చంద్రబాబు కు పోటీగా నిలిపేందుకు జగన్ ప్రణాళికలు వేస్తున్నారని వార్తలు వచ్చాయి. వచ్చే సాధారణ ఎన్నికల్లో కుప్పంలో చంద్రబాబును ఓడించాలని జగన్ దృఢ నిశ్చయంతో ఉన్నారు. అందువల్ల కుప్పంలో చంద్రబాబు ను ఢీ కొట్టాలంటే.. ఆ నియోజిక వర్గంతో ప్రత్యేక సంబంధం ఉన్న విశాల్ అయితే కరెక్ట్ అనే భావనలో వైసీపీ ఉన్నట్లు పోలిటికల్ సర్కిల్స్ లో గుసగుసలు వినిపించాయి. కాగా ఈ వార్తలపై తాజాగా హీరో విశాల్ క్లారిటీ ఇచ్చారు. తనకు కుప్పం నియోజిక వర్గంతో మంచి సంబంధం ఉన్న మాట వాస్తవమేనని, కుప్పంలో ప్రతి వీధి తెలుసని విశాల్ చెప్పుకొచ్చారు. అయితే చంద్రబాబుకు పోటీగా తాను కుప్పం నియోజిక వర్గంలో పోటీ చేస్తున్నాననే వార్తల్లో నిజం లేదని, అసలు రాజకీయాల పట్ల తనకు ఆసక్తి లేదని, పాలిటిక్స్ అంటే ఒక సేవ అని విశాల్ చెప్పుకొచ్చారు. కాగా వైఎస్ జగన్మోహన్ రెడ్డి అంటే ఎంతో అభిమానం అని, ఆయనంటే ఇష్టం అంటూ హీరో విశాల్ వ్యాఖ్యానించారు. మొత్తానికి హీరో విశాల్ కుప్పంలో చంద్రబాబుకు పోటీగా నిలబడబోతున్నట్లు వస్తున్న వార్తలు అవాస్తవం అని తేలిపోయింది.
ఇవి కూడా చదవండి..
