మొక్కలు నాటిన హీరో విజయ్ శంకర్..

గ్రీన్ ఇండియా ఛాలెంజ్ లో భాగంగా ఆర్టీసీ క్రాస్ రోడ్ లో మొక్కలు నాటారు సినీ హీరో విజయ్ శంకర్. రాజ్యసభ సభ్యులు జోగినపల్లి సంతోష్ కుమార్ గారు ప్రారంభించిన గ్రీన్ ఇండియా ఛాలెంజ్ లో భాగంగా నా వంతుగా మొక్కలు నాటడం చాలా సంతోషాన్ని ఇచ్చిందని తెలిపారు.

గ్రీన్ ఇండియా ఛాలెంజ్ ద్వారా దేశ వ్యాప్తంగా పచ్చని వణంలాగా తీర్చిదిద్ధేందుకు కృషి చేస్తున్న రాజ్యసభ సభ్యులు జోగినపల్లి సంతోష్ కుమార్ కి కృతజ్ఞతలు తెలుపుతూ సినీ ఆర్టిస్ట్ సునీత మనోహర్ విసిరిన గ్రీన్ ఇండియా ఛాలెంజ్ ను స్వీకరిస్తూ ఆర్టీసీ క్రాస్ రోడ్ లో మొక్కలు నాటారు విజయ్ శంకర్. అనంతరం మరో ముగ్గురు ( హీరోయిన్ మౌర్యని , డైరెక్టర్ వీరభద్ర చౌదరి , Ex. EC మెంబర్ సి.వి.గోవిందా రావ్ ) లు కూడా మొక్కలు నాటి ఈ గ్రీన్ ఇండియా ఛాలెంజ్ స్వీకరించాలని కోరారు.