కోలీవుడ్ లో ఫ్యాన్స్ మధ్య సంక్రాంతి వార్ నెలకొంది. అక్కడ అజిత్ ‘తునివు ‘ విజయ్ ‘వారిసు’ నిన్న ప్రేక్షకుల ముందుకొచ్చాయి. అజిత్ సినిమా తమిళ్ తో పాటు తెలుగులో కూడా నిన్నే రిలీజ్ అయింది. విజయ్ సినిమా తెలుగులో కాస్త ఆలస్యంగా జనవరి 14 న రిలీజ్ అవ్వనుంది. అయితే కాలీవుడ్ లో సంక్రాంతి రేస్ లో అజిత్ పై విజయ్ విజయం సాదించాడని తెలుస్తుంది.
అక్కడ రెండు సినిమాలకు మంచి ఓపెనింగ్స్ వచ్చాయి. కానీ కంటెంట్ పరంగా మాత్రం అజిత్ పై విజయ్ గెలుపు సాదించాడట. తునివు రొటీన్ యాక్షన్ డ్రామాగా తమిళ్ ప్రేక్షకులను నిరాశ పర్చగా వారిసు రొటీన్ అయినప్పటికీ తమిళ్ ఆడియన్స్ ని మెప్పించిందట. అక్కడ మీడియాలో కూడా విజయ్ సినిమాకే అజిత్ సినిమా మీద ఎక్కువ రేటింగ్ దక్కింది.
ఏదేమైనా ఇద్దరు స్టార్ హీరోల సినిమాలతో కాలీవుడ్ లో థియేటర్స్ లో మంచి సందడి కనిపిస్తుంది. కానీ విజయ్ సినిమాకి టాక్ బాగుంది. మరి పొంగల్ బరిలో నిలిచిన ఈ ఇద్దరు ఈ సినిమాలతో ఎంత కలెక్ట్ చేస్తారు ? అందులో పై చేయి సాదించే హీరో ఎవరనేది తెలియాల్సి ఉంది.
ఇవి కూడా చదవండి..
