ఈ ఏడాది వరుస సినిమాలతో అలరించేందుకు సిద్ధమవుతున్నారు హీరో ప్రభాస్. ఇప్పటికే చేతిలో నాలుగైదు సినిమాలు ఉండగా తాజాగా మారుతి దర్శకత్వంలో సినిమాకు గ్రీన్ సిగ్నల్ ఇచ్చిన సంగతి తెలిసిందే. ఈ సినిమాకు రాజీ డీలక్స్ అనే టైటిల్ ప్రచారంలో ఉండగా యువీ క్రియేషన్స్ బ్యానర్లో నిర్మిస్తున్నారు.
తాజా సమాచారం ప్రకారం ఈ ప్రాజెక్ట్ కోసం అత్యంత భారీ స్థాయిలో సెట్స్ నిర్మిస్తున్నారట. ఈ భారీ సెట్స్‌లో షూటింగ్ మొదలవబోతుందని..త్వరలోనే ప్రాజెక్ట్‌ను అధికారికంగా ప్రకటించి..రెగ్యులర్ షూటింగ్ సహా ఇతర వివరాలను వెల్లడించనున్నారని సమాచారం. ఇప్పటివరకు మారుతి భారీ బడ్జెట్ సినిమాలకు దర్శకత్వం వహించింది లేదు. అలాంటిది ఏకంగా ప్రభాస్‌ను లైన్‌లో పెట్టారనగానే అందరిలోనూ విపరీతమైన ఆసక్తి నెలకొంది. చూడాలి మరి మారుతి ప్రభాస్‌ను ఎంత కొత్తగా ప్రజెంట్ చేస్తాడో.
ప్రభాస్ నటించిన రాధేశ్యామ్‌ 2022, మార్చి 11 వ తేదీన భారీ స్థాయిలో రిలీజ్‌ కాబోతుంది. యంగ్ డైరెక్టర్ రాధా కృష్ణ కుమార్ దర్శకత్వం వహించిన ఈ సినిమాపై భారీ అంచనాలున్నాయి. ప్రముఖ నిర్మాణ సంస్థలు యూవీ క్రియేషన్స్, టీ సిరీస్ కలిసి రూ. 250 కోట్ల భారీ బడ్జెట్‌తో నిర్మించారు.
