తెలుగు రాష్ట్రాల్లో విస్తారంగా వర్షాలు

నైరుతి రుతుపవనాల ప్రభావంతో తెలుగు రాష్ట్రాల్లో విస్తారంగా వర్షాలు కురుస్తున్నాయి. తెలంగాణ, ఏపీలోని పలు జిల్లాల్లో జోరుగా వానలు పడుతుండటంతో లోతట్టు ప్రాంతాలు జలమయమయ్యాయి. పలు కాలనీలు జలదిగ్బంధంలో చిక్కుకున్నాయి.

హైదరాబాద్‌ మహానగరంలోని లోతట్టు ప్రాంతాలు జలమయ మయ్యాయి. రోడ్లపై మోకాళ్ల లోతు నీళ్లు నిలిచిపోయాయి. వర్షాలు భారీగా కురిసే అవకాశం ఉండడంతో జీహెచ్‌ఎంసీ అధికారులు అప్రమత్తమయ్యారు. ఎలాంటి అవాంఛనీయ సంఘటనలు చోటుచేసుకోకుండా ఉండేందుకు సిబ్బందిని అందుబాటులో ఉంచారు.