కళ్యాణ్‌రామ్ హీరోగా తమన్నా కథనాయికగా నటించిన చిత్రం ‘నా నువ్వే’. పూర్తి లవ్ స్టోరీతో ఈ సినిమాను తెరకెక్కించారు. ఈ సినిమాలో కళ్యాణ్ రామ్, తమన్నా లుక్స్‌ ప్రేక్షకుల నుంచి మంచి స్పందని వస్తుంది.ఎప్పుడు మాస్ సినిమాలే ప్రాధాన్యాతనిచ్చే ఆయన ఈ సారి మాత్రం పూర్తి భిన్నంగా ప్రేమ కథతో కనిపించనున్నాడు.
చాలా స్టేలిష్‌గా కనిపిస్తూ లవర్ భాయ్‌గా దర్శనమివ్వబోతున్నాడు. ఇస్ట్ కోస్ట్ ప్రొడ‌క్ష‌న్స్ స‌మ‌ర్ప‌ణ‌లో కూల్ బ్రీజ్ సినిమాస్ ప‌తాకంపై జ‌యేంద్ర దర్శ‌క‌త్వంలో కిరణ్ ముప్ప‌వ‌ర‌పు, విజ‌య్ వ‌ట్టికూటి చిత్రాన్ని నిర్మించారు. ప్రముఖ సినిమాటోగ్రాఫర్ పి.సి.శ్రీరామ్ ఛాయాగ్రహణం వహిస్తున్నారు. ఈ సినిమాకు సంబంధించిన ఆడియో లాంచ్‌ను నిన్న (ఆదివారం) జరిగింది. ఈ సినిమాకు సంగీతం అందించారు శరత్.
తమన్నా ఈ సందర్భంగా మాట్లాడుతూ…కళ్యాణ్ రామ్ లేకుంటే ఈ సినిమా నేను చేసేదాన్నికాదని ఆమె అన్నారు. ఈ సినిమా పాటలు నాకు చాలా అద్భుతంగా ఉన్నాయని ఆమె తెలిపారు. మ‌హేశ్‌, కిరణ్, విజ‌య్‌గారు మంచి ప్రోత్సాహం అందించారన్నారు. ఈ సినిమాకు రామ‌జోగ‌య్య‌గారు, అనంత శ్రీరామ్‌గారు మంచి సాహిత్యాన్ని అందించారు. ఈ చిత్రం ఈ నెల 25న ప్రేక్షకుల ముందకు రానుంది.
