నేడు టాలీవుడ్ యంగ్ హీరో శర్వానంద్ పుట్టినరోజు. 40వ సంవత్సరంలోకి శర్వా అడుగు పెడుతున్నాడు. కెరీర్ ప్రారంభంలో సపోర్టింగ్ రోల్స్‌లో నటించి, తర్వాత హీరోగా మారిన వర్సటైల్ యాక్టర్ శర్వా. విభిన్నమైన కథలు ఎంచుకుంటూ, విలక్షణమైన పాత్రల్లో నటిస్తూ టాలీవుడ్‌లో తనకంటూ ప్రత్యేకమైన గుర్తింపు తెచ్చుకున్నాడు. గమ్యం, అందరి బంధువయా, ప్రస్థానం, మహానుభావుడు, మళ్లీ మళ్లీ ఇది రాని రోజు వంటి పలు చిత్రాలు శర్వానంద్‌కు మంచి పేరు తెచ్చాయి. అయితే గత కొన్ని సినిమాలుగా శర్వానంద్ కి హిట్ లేకుండా పోయింది. ఎలాగైనా ఇక నుంచి మంచి సినిమాలు ముఖ్యంగా హిట్ సినిమాలు మాత్రమే చేయాలని శర్వానంద్ గట్టిగా ప్లాన్ చేస్తున్నాడు.
ఈ క్రమంలోనే ఈ రోజు శర్వానంద్ కొత్త సినిమా టైటిల్ గ్లింప్స్ కూడా వచ్చేసింది. శర్వానంద్ హీరోగా, శ్రీరామ్ ఆదిత్య దర్శకత్వంలో తెరకెక్కించిన చిత్రానికి ‘మనమే’ అనే టైటిల్ ని ఖరారు చేసారు. తాజాగా, పీపుల్ మీడియా ఫ్యాక్టరీ నిర్మిస్తున్న ఈ మూవీకి టైటిల్ అనౌన్స్ చేస్తూ గ్లింప్స్ విడుదల చేశారు. ఈ గ్లింప్స్ లో హీరోయిన్ కృతిశెట్టిని, అలాగే ఒక చిన్న పాపని చూపించారు. ఈ సినిమా కథ ఫాదర్ అండ్ డాటర్ సెంటిమెంట్ తో ఉండబోతుందా..? ఏంటా అనేది చూడాలి. ఇక తన పుట్టిన రోజు సందర్భంగా శర్వానంద్ మంచి మనసు చాటుకున్నాడు.
శర్వానంద్ అనాథ పిల్లలకు స్పెషల్ ట్రీట్ ఇచ్చాడు. ఓ లేడీ అభిమాని ఇన్‌స్టాగ్రామ్ లో శర్వానంద్ పై అభిమానంతో ఆయన పుట్టినరోజు కానుకగా 100 మంది అనాథ పిల్లలకు మంచి డిన్నర్ ఏర్పాటు చేయిస్తానని రాసుకొచ్చింది. దీనిపై స్పందించిన శర్వానంద్..“ఎంత మంచి ఆలోచన. అయితే అనాథ పిల్లలకు ఆ స్పెషల్ ట్రీట్ నేనే ఏర్పాటు చేయిస్తా” అని శర్వానంద్ తరుపున అతని సన్నిహితుడు కామెంట్ చేశారు. చెప్పిన విధంగానే అనాథ పిల్లలకు స్పెషల్ లంచ్ తో పాటు వారికి అవసరమైన బట్టలు, పుస్తకాలు కూడా శర్వానంద్, అనాథ పిల్లలకు అందేలా చర్యలు తీసుకున్నాడు.
Also Read:ఆ నటి పై కూడా లైంగిక వేధింపులు
