వచ్చే వారం కోసం మహేష్ ఫ్యాన్స్ ఎదురుచూపులు ఎక్కువైపోయాయి. ప్రస్తుతం సోషల్ మీడియాలో ఎక్కడా చూసినా గుంటూరు కారం మాటే, గుంటూరు కారం టాకే. మహేష్ బాబు కటౌట్ గురించిన కబుర్లే వినిపిస్తున్నాయి, కనిపిస్తున్నాయి. గుంటూరు కారం సినిమా విడుదలవడానికి ఇంకా కొన్ని రోజులే ఉన్నాయి. ఐతే, ఈ లోపు సోషల్ మీడియాలో మొత్తం గుంటూరు కారం బ్లాక్ బస్టర్ అంటూ రచ్చ మొదలైపోయింది. మహేష్ బాబు ఫ్యాన్స్ మాత్రమే కాదు.. సెలబ్రిటీస్ సైతం గుంటూరు కారం కోసం క్యూ కట్టేలా ఉన్నారు. సినిమా జనవరి 12న రిలీజ్ కాబోతుంది.
ఐతే, జనవరి 11న అర్ధరాత్రి 1 గంట నుంచే థియేటర్స్ లో గుంటూరు కారం సందడి చేయబోతుంది. సలార్ తర్వాత ఆ రేంజ్ హైప్ తో విడుదలవ్వబోతున్న గుంటూరు కారం అందరి అంచనాలు అందుకునేలానే ఉంది. ప్రస్తుతం ఫస్ట్ హాఫ్ కోసం సెకండ్ హాఫ్ ని భరించాలనే మాట వినిపించినా.. సెకండ్ హాఫ్ లో యాక్షన్ సీక్వెన్స్ కోసం చూసేయ్యొచ్చు అంటున్నారు. మహేష్ బాబు క్యారెక్టర్, ఆయన యాక్షన్ సీక్వెన్స్ అయితే మహేష్ బాబు ఫ్యాన్స్ కి ఫుల్ మీల్స్ కాదు.. ఏకంగా బిర్యానీనే అంటున్నారు. ప్రీ ఇంటర్వెల్ బ్లాక్ గురించిన ముచ్చట్లు సోషల్ మీడియాని ఒప్పేస్తున్నాయి.
ముఖ్యంగా ఫస్ట్ హాఫ్ 30 నిమిషాల గురించే అందరూ మాట్లాడుతున్నారు. కొట్టేసాం బ్లాక్ బస్టర్ అంటూ అభిమానులు పండగ చేసుకుంటున్నారు. సలార్ ను మించి గుంటూరు కారం ఉందట.. 200 కోట్లు పక్కా.. ఇప్పుడు సోషల్ మీడియా ముఖ్యంగా ట్విట్టర్ X ఓపెన్ చేస్తే కనిపించే కామెంట్స్ ఇవే. మహేష్ బాబు ఫాన్స్ ఆకలి తీరిపోతుందట. ఇది కదా మావ మనకి కావాల్సింది అంటూ మహేష్ ఫాన్స్ థియేటర్స్ దగ్గర రచ్చ చేస్తున్నారు.
Also Read:ఆ వీడియోకి కృతి సనన్ ఫేస్ పెట్టారు
