గుజరాత్ మంత్రివర్గ విస్తరణకు సిద్ధమవుతున్న నేపథ్యంలో, ముఖ్యమంత్రి భూపేంద్ర పటేల్ తప్ప మిగతా అన్ని మంత్రులు రాజీనామా చేశారు. దీంతో శుక్రవారం జరగనున్న మంత్రివర్గ విస్తరణకు మార్గం సుగమమైంది. సుమారు 10 మంది కొత్త మంత్రులు ప్రమాణ స్వీకారం చేయనున్నారని, ప్రస్తుత మంత్రుల్లో దాదాపు సగం మందిని మార్చే అవకాశం ఉందని సమాచారం.
గురువారం గుజరాత్లోని మొత్తం 16 మంది మంత్రులు తమ రాజీనామాలను ముఖ్యమంత్రి భూపేంద్ర పటేల్కు సమర్పించారు. పీటీఐకి రాష్ట్ర బీజేపీ వర్గాలు తెలిపిన ప్రకారం, మంత్రివర్గ విస్తరణ శుక్రవారం ఉదయం 11.30 గంటలకు జరగనుంది.
సుమారు 10 మంది కొత్త మంత్రులను చేర్చే అవకాశం ఉందని, ప్రస్తుత మంత్రుల్లో దాదాపు సగం మందిని మారుస్తారని బీజేపీ నేతలు చెప్పారు. రాబోయే రాజకీయ పరిణామాలకు ముందు నాయకత్వ బృందాన్ని బలోపేతం చేయడమే ఈ నిర్ణయానికి ఉద్దేశ్యమని పేర్కొన్నారు. ప్రస్తుతం గుజరాత్ మంత్రివర్గంలో ముఖ్యమంత్రి పటేల్ సహా 17 మంది సభ్యులు ఉన్నారు. వీరిలో ఎనిమిది మంది కేబినెట్ స్థాయి మంత్రులు కాగా, మరో ఎనిమిది మంది రాష్ట్ర మంత్రులు (MoS) గా ఉన్నారు.
గుజరాత్ 182 సభ్యుల అసెంబ్లీలో 15 శాతం వరకు అంటే గరిష్టంగా 27 మంది మంత్రులు ఉండవచ్చు.
Also Read:సుధీర్ బాబు ‘జటాధర’..అప్డేట్