యాక్షన్ హీరోగా గోపిచంద్ ప్రధానపాత్రలో సంపత్ నంది దర్శకత్వంలో తెరకెక్కుతున్న చిత్రం సీటిమార్. ఇప్పటికే షూటింగ్ పూర్తికాగా పలుమార్లు రిలీజ్ డేట్ కూడా వాయిదా పడింది. అయితే తాజాగా మేకర్స్ ఆసక్తికర అనౌన్స్‌చేశారు. సినిమా థియేటర్స్‌లోనే రిలీజ్ అవుతుందని…సెప్టెంబర్‌లో ప్రేక్షకుల ముందుకురానుందని పోస్టర్‌ని రిలీజ్ చేసింది. ఇందులో గోపిచంద్ మీసం మెలేస్తూ ఆసక్తికర లుక్‌తో ఆకట్టుకోగా కబడ్డీ విజేతలుగా అమ్మాయిలు నిలిచిన ఫోటో ఆసక్తికరంగా తీర్చిదిద్దారు.
ఇక సినీవర్గాల నుండి అందుతున్న సమాచారం ప్రకారం ఈ యాక్షన్ ఎంటర్‌టైనర్‌ను సెప్టెంబర్ 10న విడుదల చేయడానికి మేకర్స్ ప్లాన్ చేస్తున్నారని తెలుస్తోంది. ఇప్పటి వరకు ఈ సినిమా నుంచి విడుదలైన రెండు పాటలు జ్వాలా రెడ్డి , పెప్సీ ఆంటీ సాంగ్స్ కు మంచి స్పందన వచ్చింది. ఇక ఈ చిత్రం గోపీచంద్, తమన్నా ఇద్దరూ కబడ్డీ కోచ్ లుగా కనిపించనున్నారు. శ్రీనివాస సిల్వర్ స్క్రీన్ బ్యానర్ పై శ్రీనివాస చిట్టూరి ఈ సినిమాను నిర్మిస్తున్నారు.
