అన్‌స్టాపబుల్‌…. తెలుగు బుల్లితెర చరిత్రలోనే రికార్డులు బద్దలు కొడుతు… విజయవంతంగా కొనసాగుతున్న టాక్‌ షో… ఇప్పటికే పలువురు టాప్‌ సెలెబ్రిటీలు పాల్గొన్న ఈ టాక్‌ షోకు మరే ఇతర షోకు రానంత ఆదరణ లభిస్తోందనే చెప్పాలి. ముఖ్యంగా నందమూరి నటసింహం బాలకృష్ణ.. హోస్ట్‌గా చేయడం ఈ షోకు మరింత అదనపు బలమనే చెప్పాలి. ఇప్పటికే రెండు మొదటి సీజన్‌ ను పూర్తి చేసుకుని రెండో సీజన్‌ లో కూడా సక్సెస్‌ పుల్‌ గా దూసుకెళ్తున్న ఈ షోలో టాలీవుడ్‌ టాప్‌ హీరోలు.. మహేష్‌ బాబు, ప్రభాస్‌, పవన్‌ కళ్యాణ్‌ తో పాటు మరికొంత టాప్‌ సెలెబ్రీటీలు సందడి చేశారు. త్వరలోనే ఈ షోకు గెస్టులుగా రాంచరణ్‌, తెలంగాణ మంత్రి కేటీఆర్‌ రాబోతున్నారనే ప్రచారం కూడా జరుగుతోంది.
అయితే ఈ షోలో ప్రభాస్‌ పాల్గొన్న ఎపిసోడ్ ఇప్పటికే ప్రేక్షకుల ముందుకు వచ్చిందన్న సంగతి తెలిసిందే.. ఈ ఎపిసోడ్‌కు ప్రేక్షకుల నుంచి అద్భుత రెస్పాన్స్‌ వచ్చింది. రిలీజైన 12 గంటల్లోనే 50 మిలియన్‌ వ్యూస్‌ ను సాధించింది ఈ ఎపిసోడ్. దీంతో ప్రభాస్‌ ఎపిసోడ్ పార్ట్‌ 2 ను రిలీజ్‌ చేసేందుకు సిద్ధమవుతోంది ఆహా సంస్థ. ఇదే ఎపిసోడ్ లో టాలీవుడ్‌ హీరో గోపిచంద్ కూడా సందడి చేశారు. అయితే ఈ ఎపిసోడ్ లో బాలకృష్ణ ‘మీరిద్దరూ ఓ హీరోయిన్ కోసం గొడవపడ్డారు కదా ఎవరామే?’ అని అడిగాడు. దానికి ప్రభాస్‌, గోపిచంద్‌తో ‘చెప్పొద్దురా’ అంటూ అడ్డుకున్నాడు. కానీ గోపిచంద్ ‘అవును సర్‌ మేము 2004లో వర్షం సినిమాలో త్రిష కోసం గొడవపడ్డాం’ అని చెప్పాడు. అయితే ఇప్పుడు ఈ ఎపిసోడ్ పై ప్రేక్షకుల్లో అంచనాలు పెరిగిపోతున్నాయి. సెకండ్‌ ఎపిసోడ్ కోసం అటు ప్రభాస్‌ అభిమానులతో పాటు ఇటు తెలుగు ప్రేక్షకులు ఆతృతగా ఎదురుచూస్తున్నారు. ఫస్ట్‌ ఎపిసోడ్ లాగే సెకండ్‌ ఎపిసోడ్ కూడా ఎలాంటి రికార్డులను బ్రేక్ చేస్తుందో చూడాలి.
