ఫ్యామిలీ స్టార్..నిజంగా మధురమే

స్టార్ హీరో విజయ్ దేవరకొండ – మృణాల్ ఠాకూర్ నటిస్తున్న చిత్రం “ఫ్యామిలీ స్టార్” . ఇవాళ హోళీ సందర్భంగా థర్డ్ సింగిల్ ‘మధురము కదా..’ రిలీజ్ చేశారు మేకర్స్. పాట మెలోడియస్ గా అలరిస్తుండగా శ్రియా ఘోషల్ పాడిన ఈ పాటకి అనంత్ శ్రీరామ్ లిరిక్స్ రాశారు.

సినిమా నుండి విడుదల చేస్తున్న ఒక్కో పాటతో “ఫ్యామిలీ స్టార్” సినిమా మ్యూజికల్ బ్లాక్ బస్టర్ గా మారుతోంది. ఫస్ట్ సింగిల్ ‘నందనందనా.’, సెకండ్ సింగిల్ ‘కళ్యాణి వచ్చా వచ్చా..’ ఛాట్ బస్టర్స్ అయ్యాయి. ఇప్పుడీ థర్డ్ సాంగ్ పై మ్యూజిక్ లవర్స్ లో మంచి ఎక్స్ పెక్టేషన్స్ ఏర్పడుతున్నాయి. “ఫ్యామిలీ స్టార్” సినిమా ట్రైలర్ ను ఈ నెల 28న రిలీజ్ చేయబోతున్నారు.

“ఫ్యామిలీ స్టార్” సినిమాను ప్రతిష్టాత్మక నిర్మాణ సంస్థ శ్రీ వెంకటేశ్వర క్రియేషన్స్ బ్యానర్ లో స్టార్ ప్రొడ్యూసర్స్ దిల్ రాజు, శిరీష్ నిర్మిస్తున్నారు. హోల్ సమ్ ఎంటర్ టైనర్ గా సక్సెస్ ఫుల్ డైరెక్టర్ పరశురామ్ పెట్ల రూపొందిస్తున్నారు. “ఫ్యామిలీ స్టార్” చిత్రానికి క్రియేటివ్ ప్రొడ్యూసర్ గా వాసు వర్మ వ్యవహరిస్తున్నారు. ఈ సినిమా ఏప్రిల్ 5వ తేదీన తెలుగు, తమిళ, హిందీ భాషల్లో గ్రాండ్ థియేట్రికల్ రిలీజ్ కు రెడీ అవుతోంది.

Also Read:Harishrao:చేరికలేనా..రైతు సమస్యలు పట్టవా?