కోర్టు కేసు నేపథ్యంలో తెరకెక్కిన పవన్కళ్యాణ్ సూపర్ హిట్ మూవీ వకీల్సాబ్. 2021 ఏప్రిల్‌9న విడుదలై బాక్సాఫీస్ వద్ద కాసుల వర్షం కురిపించింది. అంతేకాదు విమర్శకుల ప్రశంసలు సైతం అందుకున్న సినిమాగా నిలిచింది. వేణు శ్రీరామ్ దర్శకత్వం వహించిన ఈ సినిమాలో పవన్ కళ్యాణ్ లాయర్‌గా కనిపించారు. ఈ సినిమా విడుదలై రెండు సంవత్సరాలు పూర్తైన సందర్భంగా అభిమానులు ట్విట్‌ర్లో చిట్‌చాట్‌ నిర్వహించారు.
ఈ సందర్భంగా వేణు శ్రీరామ్ కూడా పాల్గొన్నారు. అయితే ఈ సెషన్‌లో వకీల్‌సాబ్‌ను త్వరలో రీ-రిలీజ్ చేసేందుకు ప్రణాళికలు వేస్తున్నామని అన్నారు. అంతేకాదు వకీల్సాబ్-2కూడా ఉండబోతుందని సర్‌ఫ్రైజ్ వార్త అందించారు. ప్రస్తుతం వకీల్సాబ్ 2 స్క్రిప్ట్‌ వర్క్‌ కొనసాగుతుందని చెప్పాడు. ఈ సినిమాలో శృతిహాసన్‌ ఫీ మేల్ లీడ్‌ రోల్‌లో నటించింది. అంజలి, నివేదా థామస్‌, అనన్య నాగళ్ల కీలక పాత్రల్లో నటించారు.
ప్రస్తుతం పవన్కళ్యాణ్ క్రిష్ దర్శకత్వంలో హరిహరవీరమల్లు సుజిత్‌ దర్శకత్వంలో ఓజీ సముద్రఖని దర్శకత్వంలో వినోదాయ సీతమ్‌ రీమేక్, అలాగే హరీశ్‌శంకర్ దర్శకత్వంలో ఉస్తాద్ భగత్ సింగ్‌ సినిమాల్లో నటిస్తున్నారు. ఒకవైపు ఆంధ్రప్రదేశ్‌ రాజకీయాలు మరోవైపు సినిమాలతో బిజీగా ఉన్న పవన్ … వకీల్సాబ్ -2కు ఎప్పుడు డేట్స్ కుదిరి సినిమా పూర్తి చేస్తారా..?అని ప్రేక్షకులు ఎదురుచూస్తున్నారు.!
ఇవి కూడా చదవండి…
