విష్ణు మంచు డ్రీమ్ ప్రాజెక్ట్‌గా ‘కన్నప్ప’ సినిమాను మోహన్ బాబు అత్యంత భారీ ఎత్తున నిర్మిస్తున్న సంగతి తెలిసిందే. అవా ఎంటర్టైన్మెంట్, 24 ఫ్రేమ్స్ ఫ్యాక్టరీ బ్యానర్ల మీద నిర్మిస్తున్న ఈ చిత్రానికి ముఖేష్ కుమార్ సింగ్ దర్శకత్వం వహిస్తున్నారు. కన్నప్ప చిత్రాన్ని ఏప్రిల్ 25న ప్రపంచ వ్యాప్తంగా రిలీజ్ చేయబోతున్నారు.
ప్రతీ సోమవారం కన్నప్ప చిత్రంలోని పాత్రకు సంబంధించిన అప్డేట్ ఇస్తూ వస్తున్నారు. ఇటీవలె కన్నప్ప నుంచి ప్రభాస్ పాత్రను రివీల్ చేశారు. రుద్రుడిగా ఈ చిత్రంలో ప్రభాస్ అద్భుతంగా కనిపించబోతున్నాడు. ప్రళయ కాల రుద్రుడు.. త్రికాల మార్గదర్శకుడు.. శివాజ్ఞ పరిపాలకుడు అంటూ ప్రభాస్ పోషిస్తున్న పవర్ ఫుల్ పాత్రను అందరికీ పరిచయం చేశారు. ప్రభాస్ వేషధారణ, లుక్ చూస్తుంటే దైవత్వం ఉట్టి పడేలా కనిపిస్తోంది.
ఈ నేపథ్యంలో ప్రభాస్ క్యారెక్టర్ గురించి ఆసక్తికర వ్యాఖ్యలు చేశారు మంచు విష్ణు. కన్నప్పలో ప్రభాస్ చేస్తుంది గెస్ట్ రోల్ అయినప్పటికీ రెగ్యులర్ సినిమాల్లో చేసే దానికంటే ఎక్కువ ఇంపాక్ట్ ఈ సినిమాలో కనిపిస్తుంది అని తెలిపాడు. దీంతో ప్రభాస్ ఫ్యాన్స్ ఆనందానికి అవధుల్లేకుండా పోయాయి.
Also Read:పవన్‌కు ప్రకాశ్‌ రాజ్ కౌంటర్
